Årskavalkade 2007

På oppmoding frå Lasse presenterer eg min eigen årskavalkade for 2007:

• Januar: Året byrja ganske ille med at mamma døydde 6. januar. Dette var jo midt i det siste året på sjukepleieskulen, og no, eitt år etter, ser eg at det nok hadde gjort meg godt med litt meir hjelp frå skulen. I staden fekk eg “straffelekser”, 2 oppgåver eg måtte gjere på grunn av at eg hadde hatt ei veke sjukmelding frå observasjonspraksis … Men for all del; eg kom meg igjennom det òg.
• Februar: Lite blogging i februar, av naturlege årsaker kanskje. Eg var vel sliten og lei av det meste, trur eg. Men eg var iallfall vaken nok til å blogga “Dagens (beste?) overskrift”.
• Mars: Eg bloggar den nye sofaen og eit spennande foredrag.
• April: Hovudet er sort sett fullt av bacheloroppgåve og jobbintervju, men det er tydelegvis tid til litt handarbeid innimellom … (Og forresten; eg fekk jobben eg søkte på, og trivast godt i han enno)
• Mai: Eg feira nasjonaldagen i ny drakt! Og på tampen av månaden leverte eg bacheloroppgåva. (Fekk forresten sensuren 21. juni, og det vart ein B)
• Juni: I juni feira eg bursdag og var på hyttetur.
• Juli: Feriemodus!
• August: Mykje blogging, mellom anna med bilete av nokre uvanlege frukostgjestar.
• September: Innhausting av både eple og potet.
• Oktober: Eg let mamma sitt dikt minna om “brystkreftmånaden”.
• November: Alltid ein litt vond månad. Allehelgensmessa gjorde både vondt og godt. Og 11. november, som er bursdagen til Ravn og Brage, er kvart år ein tung dag. Men derifrå går det stort sett oppover, og månaden vart avslutta med vakre snøbilete og presentasjon av ønskelistene til Even og Hulda.
• Desember: Vi baka julekaker, feira Lucia-dagen i barnehagen og hadde ei flott førjulstid! I tillegg fekk eg den flottaste julegåva eg kunne tenkje meg; boka til mamma vart ferdig like før jul. Og den siste dagen i dette året avsluttast med å feira Even sin femårsdag.

Tags: moro

This entry was posted on Monday, December 31st, 2007 at 13:32 and is filed under Tankar. You can follow any responses to this entry through the RSS 2.0 feed. You can leave a response, or trackback from your own site.