Tankar ved eit tastatur

Har du tenkt å fri i dag, eller har du kanskje allereie gjort det?

I dag er den dagen då kvinnene “før i tida” kunne fri, og dersom mannen sa nei, måtte han gje dama 12 par hansker, visstnok slik at ho kunne skjula at hendene var utan ring etter frieriet …

Eg har ikkje fridd i dag, og kjem vel neppe til å gjere det i laupet av dette døgnet heller. Det er trass alt berre 4 år til neste gong høvet er der. Og, for å sjå det frå ei anna side; mannen har 1460 dagar å gjere det på før neste gong vi skriv 29. februar, så eg ventar og ser, tenkjer eg.

Eg melde meg på ein swap (ein slags byttering/hemmeleg ven) på Swap bot tidlegare. Temaet var “Hot drink and a magazine”, og eg må innrømma at eg var litt spent ettersom dette var den første swapen eg var med i. Eg sendte eit norsk blad (“Kreative kvinner”) og te til USA, og fekk sjølv ein flott pakke frå Maria i Sverige!
Herleg te og eit flott blad! Ho kunne ikkje finna blad om strikking, men det gjer absolutt ingen ting. Dette bladet var heilt perfekt med masse spennande lesnad! Tusen takk, Maria!

Det vert nok ikkje siste gong eg melder meg på ein swap!

I dag snør det att … Eit tynt lag nysnø har lagt seg på bakken, og syklane er parkerte i bua. Eg lengtar etter vår!!!

Og sommar med roser som blømer i husveggen.

Eg såg at Hege hadde vore på sparktur i dag, så eg tenkte eg måtte syna dykk kva ungane her i huset gjorde etter endt dag i barnehage og skule:

Trur sanneleg dei hadde vårkjensle i dag!

Det er laurdag, og her sit eg og er småsur for at eg har arbeidshelg. Å arbeida på ein laurdag ettermiddag er eigentleg ganske surt, synast eg. Ein går liksom glipp av heile helga. *sukk*

Tor Inge driv visst og jaktar på tittelen “Father of the year”, for han har hanka tak i tre av ungane våre og køyrd til Steinkjer for å gå i bassenget. Flinke mannen.

Forresten har eg ikkje byrja med noko nytt på strikkefronten heller etter at eg gjorde ferdig den halsvarmaren i går. Eg veit Hulda vil ha ein halsvarmar, men ho klør av det meste av ullgarn, så eg må fintenkje litt før eg lagar ein til ho. Elles manglar den andre bunadsstrømpa til Even enno, men det er framleis lenge til mai, er det ikkje ..?

Hugsar de halsvarmaren eg strikka til meg sjølv? Den som Even stakk av med? Iallfall, eg har strikka ein til Even òg, med utgangspunkt i same oppskrift. Strikka i Sandnes Alpakka. Eit lite tips får de med på kjøpet; eg strikka denne på vranga slik at eg kunne unngå så mange vrange masker.

Remember the neck-warmer I tried to make for me, but my son took off with it? I’ve made him one too now, from the same pattern, knitted in Alpakka from Sandnes.

I dag fyller pappa’n min i følge mine utrekningar 65 år! Teikninga syner korleis han såg ut for meg då eg var tre og eit halvt år, og spør du meg, har han eigentleg ikkje forandra seg stort sidan den gong.

Bilete av pappa og Reico var eigentleg noko eg aldri hadde trudd eg skulle få etter at pappa i 2005 vart skada av ein hund som beit han i andletet … Pappa lit naturleg nok framleis ikkje heilt på hundar, men han våga seg til å vere “hunde-ven” medan eg knipsa biletet iallfall.

Kjære, kjære pappa; gratulerer masse med dagen frå oss på Verdal’n og kos deg med feiringa i kveld. Bursdagsgåva di ligg i frysaren til vi møtast.

Har strikka to baggy luer som skal få nye eigarar i dag. Hulda og ein ballong står modell…

Two baggy hats that I’ll give away today. My daughter is modelling with a balloon. These are my contribution (so far) for Loose Knit Group february.

Dei fyrste “moltevottane” vart ganske små, så eg har strikka eit par til, litt større denne gong.

Er like nøgd med desse som med dei førre, og kven som skal ha dei er allereie avgjort.

The first pair of flower mittens were quite small, so I made a larger pair. It’s a present, by the way …

På Fauske er det ein gut som fyller år i dag; gratulerer masse med dagen, Anders! Pakke er på veg i posten.

I går hadde vi forresten åtteårsdag her i huset, og bursdagsbarnet feira med å ta med seg grillpølsa han fekk for å ete på det nye golvteppet i stua: