Archive for February, 2008

Stakkars Ida …

Thursday, February 14th, 2008

Eg må innrømme at eg synast litt synd på Ida. Denne dama som hadde så lite lyst på merksemd at ho ikkje ville offentleggjere namnet sitt på søkjarlista til stillinga som barneombod, har utvilsamt  vore mellom dei mest omtalte personane i Noreg dei siste dagane. No har ho gått i skjul, og før ho ein gong har byrja i si nye stilling, er tilliten til ho såpass svekkja at ho ser at ho er nøydd til å trekkje seg.

Sikkert surt, med definitivt eit smart val! Stakkars Ida.

Valentinsdag

Thursday, February 14th, 2008

Då eg stod på kjøkkenet og laga kakao til jentungen som er på skitur med klassen i dag, dukka plutseleg denne opp ved sida av komfyren: Valentinsgåve!!! Og eg hugsa ikkje ein gong at det var valentinsdag! Eg måtte naturlegvis foreviga pakka før eg åpna ho. Mannen berre rista lett på hovudet og sa “jaja, du er tross alt ein bloggar …”

Då eg åpna pakka, fekk eg prov for at mannen høyrer kva eg seier, iallfall ein gong i blant, for der låg denne vesle lekre saken:
Ei lita, nett klokke som passa perfekt på ei smal arm. Lekker, ikkje sant?

Got a valentines day gift from my man. A really nice, small watch that fits my wrist perfectly!

Retrett

Wednesday, February 13th, 2008

Heile mitt (vaksne) liv har eg hatt ein aversjon mot Husfliden. Dei butikkane eg har vore innom (kan henda ikkje så mange, men …) har stort sett vore skuffande med tanke på tenesteytinga frå dei som arbeider der. Det har faktisk vore så ille, at eg (bortimot) har slutta å gå inn på desse butikkane. Men no er eg nøydd til å ete i meg nokre av desse orda, for det gjeld heldigvis ikkje alle Husfliden-butikkar.

Måndag hadde eg ein heil time til gode medan eg venta på legetime, og i mangel av noko å finna på, gjekk eg innom Husfliden i Levanger for å smugkikka på mellom anna selbustrikk, og dei tok knekken på aversjonen min!

Butikkdama der inne var eit unikum! Vi prata og kikka, såg i bøker og hefter. Eg hadde det så hyggeleg at den lange ventetida faktisk verka alt for kort! Og det aller beste var at trass i at eg ikkje kjøpte noko (det var dagen før lønning) fekk eg ikkje dårleg samvit. Takk til butikkdama som gjorde dagen så bra og retta opp eit dårleg inntrykk!

Tankevekkar

Tuesday, February 12th, 2008

Denne filmen gjev meg som mor ein tankevekkar i høve til korleis ein kan gjere barna rusta til livet i Den Store Verda …

YouTube-lenke

Nok ein måndag

Monday, February 11th, 2008

Har det verkeleg gått ei veke sidan førre oppdatering? Tydelegvis! Førre veke var ganske rotete eigentleg, for eg var på arbeid annakvar dag. Hadde gledd meg på fri søndag, men måtte på arbeid likevel, så det har liksom ikkje vore noko samanhengande fri den siste tida, noko eg vanlegvis har i og med at eg har berre 50% fast stilling. “Men nu går alt så meget bedre”.

I laupet av veka vart eg ferdig med ein halsvarmar til meg sjølv. Eg tok utgangspunkt i oppskrifta frå Drops, men brukte litt tjukkare garn og pinnar, nemleg det herlege Merino Alpaca frå Shibui Knits som eg fekk i pakken frå Nyheitsklubben til Strikk Innom

Halsvarmaren vart både mjuk og varm, så då Even fekk ein lei hoste på torsdag, gjekk det slik:
Om ikkje anna vart han iallfall betre, og eg fekk eit flott bilete!

I knitted this neckwarmer for myself in Alpaca Merino from Shibui Knits, but when my son started coughing, this was the result …

Fredag var forresten denne guten på innskriving på skulen. Han skal byrja i fyrste klasse til hausten. Vesleguten min! Han er kanhenda ikkje så liten lenger, eigentleg ..?

I går var det morsdag, og i staden for kaffi på senga, måtte eg på arbeid, men eg tok det då att likevel. Laurdag fekk eg desse vakre tulipanane av mannen, og søndag fekk eg ein flott pakke frå Hulda:
Lekkert, ikkje sant?

Yesterday we celebrated mother’s day in Norway. From the man of the house i got flowers, and my daughter had made me a lovely present. I feel lucky! :)

På pinnane har eg no eit nytt par moltevotter, litt større denne gongen, for dei førre vart veldig små. Dette paret skal nok bli gåve.

Lat måndag morgon

Monday, February 4th, 2008

I helga har eg hatt arbeidshelg, og så skal eg på arbeid i ettermiddag. Difor har eg nyta å vere litt lat i dag. Eg har drukke kaffi, ete frukost, bada meg, og i det heile gjort fint lite fornuftig.

Reico som var sjuk på torsdag kvikna mirakuløst til i laupet av natta, og fredag var han i toppform att. Har grubla litt på om det kunne vere til dømes nyre-/blærestein eller noko liknande. Iallfall er han frisk att, og det er me glade for.

Elles er det ikkje stort å melda frå denne kanten i dag, eg skal berre ta livet med ro fram til eg skal på arbeid. Ha ei fin veke alle saman!