Archive for May, 2008

Dagens leseglede

Friday, May 30th, 2008

Viss du skal lese berre eitt innlegg til i dag, synast eg du skal ta deg tid til teksten “Karl Johan” frå Inga Gullhav.

Mondays in rainbow

Thursday, May 29th, 2008

Sein som vanleg, men eg kjem då etter!

Annette var ute i rett tid med ein blome, og eg presenterer og ein:

Ein av mine favorittar. Vakker, ikkje sant?

Mr. Postman

Tuesday, May 27th, 2008

Postmannen har vore her med desse bøkene frå Capris til meg i dag:

Look what the postman brought me today!

I går fekk eg meg ei flott overrasking; Wonni hadde lagt att ein peikar til eit bilete av Flaggermuslua ho hadde strikka!

Yesterday I got a surprise in my blog: Wonni posted a comment to show me she had knitted my Bathat for her daughter!

Ikkje så verst

Thursday, May 22nd, 2008

Formen er betre i dag. Som trøyst fekk eg desse av Mannen og ungane her om dagen:

… og då må eg jo innrømma at det meste kjennast betre!

I dag er formen faktisk såpass bra at eg har støvsuga golva, baka brød og i tillegg sydd litt. Min fyrste firkantpose etter oppskrift frå Liv-Toril!

Posen er fylt med te-posar og skal stå på kjøkkenbordet. Den er sydd av to dongeribukselår og ei gamal gardin. (Buksa var ikkje i bruk lenger altså, så det er ingen som har vorte bukselause sjølv om eg fekk sydilla!)

Mondays in rainbow

Tuesday, May 20th, 2008

… på ein tysdag. Eg er ikkje i form for tida. Tjukk i halsen, snørrete, eg nys og ikkje minst synast eg synd på meg sjølv. I går var egfor fyrste gong etter eg byrja i jobben min for snart eit år sidan borte på grunn av sjukdom. Når eg tenkjer meg om, er det vel den fyrste eigenmeldinga eg har nytta i jobbsamanheng i livet så langt. Men det var faktisk mogleg å gjere det. Så til saka! (Går)dagens farge er oransje:

Utsikta frå trappa mi i september i fjor. Bjørka har kledd seg i haustfargar.

Og enno eit oransje bilete:

“Husmorforkleet” mitt som mamma både har sydd og i tillegg brukt sjølv. Eg ser at bakgrunnen ber preg av at dette er midt i julestria. ;)

Takk til Annette som drog i gang Mondays in rainbow!

Dagen derpå

Sunday, May 18th, 2008

17. mai vart ein fin dag. Vi fekk sol, og det var slett ikkje så iskaldt som eg hadde frykta. Ungane koste seg, vi åt sodd, kake, jordbær, sjokoladepudding og ikkje minst is.

Eg gjekk i tog saman med Even, som var rosaruss. Hulda vart foreviga då ho bar fana til klasse 3B.

Legg merke til Even sine strømper! Det er evigheitsarbeidet mitt som faktisk vart ferdig!

I dag, altså dagen derpå, har eg vore på arbeid, og veret har vore verre, men det hindra ikkje gutungen, han var mellom anna Peter Pan sa han:

123-meme

Sunday, May 18th, 2008

Lasse har tagga meg, og oppgåva er som følger:

  • Pick up the nearest book.
  • Open on page 123.
  • Find the fifth sentence.
  • Post the next three sentences.
  • Tag five people, and acknowledge who tagged you.

I og med at eg har ei bokhylle ved meg, vart ikkje dette enkelt, men ei bok stakk likevel eit par millimeter lenger ut enn dei andre: Karin Boyes “Samlede dikt”.

På side 123 er diktet Ingenstans, og dette er setningane:

Och rymderna svämmar över av heliga floder.

Jag sträcker mig upp och känner läpparna våta

av vita exstaser.

Men ingenstans, ingenstans …

Ei perle av ei bok som eg kjøpte på mammut-salg.

Og så, til tagginga. For å gjere det lett, tar eg dei 5 siste med nettsider som har kommentert i bloggen min: Lena, Merete, Hege, Eva og Kristin Helene.

Nyfiken som eg er, gler eg meg kjempemasse til å sjå svara. :)

Sim sala bim!

Thursday, May 15th, 2008

Frisøren min er oppgradert. Idag fann eg ut at han ikkje er frisør, han må vere tryllekunstnar! Å få ei litt sliten, gråhåra(!) dame som ikkje heilt finn formen til å bli sjåande ut slik som dette, er ein tryllekunst.

Det er fleire år sidan eg har hatt pannelugg, så det var ei artig oppleving. Takk til Trond på Knoll&Tott for fantastisk arbeid (som vanleg).

Biletet er forresten teke av meg sjølv med mobilen, så til det å vere, var det ikkje så verst…

Mondays in rainbow -Red

Monday, May 12th, 2008

Annette vil gjerne ha oss med på å posta bilete i regnbogefargar. Fyrst ut er naturleg nok raud, og her er mitt bidrag;

Dette er jentungen i heilraudt for 7(!) år sidan. (Det gjer meg ganske gamal, trur eg). Ho var (og er) eit “blomsterbarn”, der det dukkar opp blomar, der er ho og plukkar eit flott utval.

Monica gjer ting ho ikkje kan

Thursday, May 8th, 2008

Det er aldri for seint å læra seg noko nytt, tenkte eg, og sette meg til ved mamma si gamle symaskin. Og sanneleg, etter mykje prøving og feiling, greide eg å laga noko som liknar ei veske:

I pur glede måtte eg jo berre nytta det bandet eg fann mellom mamma sine gamle stoffrestar til skulderreim, og tru meg; då veska vart ferdig, kjente eg meg verkeleg som “No 1″!

Framleis har eg mykje å læra og masse prøving og feiling, men eg gjer nettopp det då. Prøver og feiler, syr og spretter opp att …

I dag prøvde eg meg på ein liten pung med glidelås:

Ikkje så verst, synast eg sjølv. Problemet er berre at eg slett ikkje kan sy. Dvs eg kan ingen teknikkar, eg veit ikkje korleis det skal gjerast. Og eg angrar fælt på at eg ikkje ville (eller hadde interesse av å) lære meg dette då eg enno hadde mamma til å hjelpa meg … Samstundes ser eg jo at det er mogleg å finna ut av ein del på eiga hand, og så lenge er er positivt innstilt, vil det vere mogleg å greie det meste!

(Forresten: Dårleg kvalitet på bileta kjem av manglande kamera, så eg nyttar mobilen)