Archive for August, 2008

Decluttering 53-56

Sunday, August 31st, 2008

Dei siste dagane har declutteringa gått litt trått. Det vil seie, eg kastar noko kvar dag, men eg minnast nesten ikkje kva eg kastar viss eg ikkje bloggar det med ein gong! :)

Det eg kjem på i farta er at eg har rydda i ei skuff der eg mellom anna fann mange gamle brukarrettleiingar for dei elektriske apparata våre. Det er jo kjekt å ha, men eg treng kanhenda ikkje å ta vare på dei fire rettleiingane som ikkje er skrive på språk eg skjønar?

Elles er eg katalog-junkie, men tre katalogar har vorte kasta. Uåpna! Eg har ikkje tenkt å handla noko no likevel, og skulle det melda seg eit bhov, så finnast det alltids netthandel. ;)

Økomat og decluttering 51 og 52 av 365

Wednesday, August 27th, 2008

Vi har byrja abonnera på økologisk mat frå Økomat Innherred, så annakvar veke får vi pakker med mat levert på døra. Her ser de nokre av varane vi fekk i dag:

Alt smaker fantastisk, og det er verdt pengane. Dessutan et ungane masse av dette! Til dømes er tomaten spesielt god trur eg, for det et ungane nesten som godteri!

Brødet er levert av Godt Brød i Trondheim og er frose når eg får det, men det smakar fantastisk likevel. Gler meg til å laga meg matpakke i morgon!

Ein ekstrabonus ved dette er forresten at eg annakvar veke må rydda litt i kjøleskapet for å få plass til maten … Så i dag har eg i declutteringa kasta ein rest av kokt skinke som ikkje lukta bra lenger samt nokre gulerøtter som hadde gøymd seg bakerst … I går kasta eg nokre gratis “serie-bøker” som har vore med i vekeblad.

Award for meg!

Wednesday, August 27th, 2008

Sjå kva eg har fått frå Hege

Var ikkje denne lekker?

Kriteria er som følgjer:

1. You can give it to one or one hundred or any number inbetween – it’s up to you. Make sure you link to their site in your post.

2. Link back to this blogsite http://www.TammyVitale.com/

Purpose of the Award: To send love and acknowledgement to women who brighten your day, teach you new things and live their lives fully with generosity and joy.

Så no får eg gleda av å gje vidare. Dei eg vil glede i dag er:

Lena, Mari, Beyla, Lin og Merete!

Tusen takk til Hege for at du tenkte på meg med denne. Det er ei ære! :)

Decluttering 46-50 av 365

Monday, August 25th, 2008

Eg har ikkje vore verdas flinkaste til å blogga dei siste dagane. Det har vore så mykje anna spennande å driva med innimellom! Men, kvar dag tenkjer eg decluttering, og kvar bidige dag forsvinn eitt eller anna som eg ikkje treng.

Dei siste dagane har vi kvitta oss med dette:

Fleire gamle “heimebrente” cd-ar

Eit øydelagt TV-bord

Sprengte  høgtalarar

Øydelagt spotlightskinne

… og Even har sjølv kasta to DVD-filmar som var fulle av hakk. Han måtte gje dei ein liten kos, men han greidde å leggje dei i søpla. Godt gjort av ein liten fyr, spør du meg. :)

(TV-bordet og høgtalarane har ikkje forlate huset enno, men tru meg, eg kjem ikkje til å ha dei her “i tilfelle”. Så eg har vorte flink!)

Decluttering 45 av 365

Wednesday, August 20th, 2008

Hulda sine utgåtte sko treng ikkje å ta opp plass i gangen. Rett i restavfallet med dei!

Decluttering 44 av 365

Tuesday, August 19th, 2008

I dag har eg rydda i medisinskapet og kasta ting som har gått ut på dato. Betre plass vart det iallfall!

Fyrste skuledag

Monday, August 18th, 2008

Even har hatt sin fyrste skuledag i dag. Det var spennande for både han og meg …

Ganske mange sommarfuglar i magen, trur eg.


Humøret hans betrar seg mykje medan vi ventar på å få gå inn. Her gjer han jo til og med triks til ære for fotografen!

Då vi endeleg kom inn, vart det litt for mykje prating før det hendte noko spennande …


Men endeleg fekk han fram og helsa på undervisningsinspektøren og ein av lærarane!

Even vart kjempeglad då hans gruppe, prestekragane, fekk ei faddergruppe som stesyster var ein del av. Det gjorde dagen enno betre (og tryggare …)!

Han var fornøgd då dagen var over, og samstundes gler han seg visst til å gå på skule i morgon. “Å du får itj vårrå me mæ inn assa mamma, æ vil gå sjøl!”

Og attende står mamma, som har sendt minsteguten sin ut i verda, med ein stor klump i halsen … Lykke til, vesle mann. Må verda vera god mot deg. Det fortener du!

Decluttering 40-43 av 365

Monday, August 18th, 2008

Eg har rydda i papir i fleire dagar no. Har kasta gamle vekeplaner frå førre skuleår, blad, brev og liknande. Papirkassen har vorte full to gongar i laupet av desse dagane, så det er mykje som har gått i søpla. Ei herleg kjensle!

Award til meg!

Sunday, August 17th, 2008

Sjå kva eg har fått av Lena:

awarden

Lena er ein sambygding, men det eg veit har eg aldri møtt ho. For meg er ho “berre” “Porcelensstrand-Lena” som eg kjenner gjennom bloggen. Likevel kan slike bloggevener vere ganske viktige, og det er spennande å følge med liva til andre gjennom bloggane deira.

Tusen takk, Lena!

Ååååååååh! :(

Friday, August 15th, 2008

Det er urettvist at mannen skal gå overtid i kveld òg! Eigentleg skulle han vore ferdig klokka åtte i kveld, men plutseleg vart det “krise” på jobb. Jada, eg veit litt om slike kriser. Det hender eg sjølv må gjere om på ting i siste liten, men då er det jo noko eg vel, og det er sjølvsagt noko heilt anna.