Archive for September, 2008

Selbuvottar/selbumittens

Tuesday, September 30th, 2008

Eg har heilt gløymt å blogge selbuvottane eg sleit med i lang tid. Eg hadde ei vond skulder, så ein kan seie at det tok uvanleg lang tid å ferdigstille dei, men eg er iallfall nøgd. Strikka i Silja strømpegarn. Oppskrifta er frå heftet “Selbustrikk”, kjøpt på Husfliden i Levanger.

It took some time to finish these mittens due to a bad shoulder, but I was finally finished early this month. Selbumittens from the booklet “Selbustrikk” (view on Ravelry)

Knitted in Silja from Gjestal.

Grublaren

Sunday, September 28th, 2008

Eg er mor til ein liten grublar. For tida er han litt oppteken av tenner og tannfeen. Sjølv har han (til si store sorg) alle melketennene intakte, og difor opptek det han litt dette med glaset med tann i som vert til pengar over natta.

I dag grubla han seg inn på dette sporet:

“Mamma, tenk på før i tia, da. Da hadd dæmm jotj ein gong glas å lægg tanna i!”

“Nehei?”

“Nei, da trur æ nok dæm la den under puta. Det trur æ, ja”

“Ja, kanskje det …”

“Eller, nei, du veit det mamma, at dæm hadd jotj puta heller før i tia. Da låg dæm jo i høyet. Da kanskje dæm berre gjømt tennern inni høyet da!”

“Jaha?”

“Ja, men tenk da mamma, om det kom ein gut uten tenner og hoppa i høyet da! Da kanskje hann fekk munnen full tå tenner da!”
;)

Vi har handla

Sunday, September 28th, 2008

ny bil!!!

Renaulten gjekk langt frå EU-testen, og på grunn av dyre naudsynte reparasjonar, vart vi samde om heller å bytta ut bilen. Det vart ein ny franskmann, ein Citröen Xsara. Korleis uttaler ein Xsara? Iallfall, ein 2000 modell som er knakande god å køyre. Og fiiin:

No, Cat, har eg blogga. Så har du iallfall noko å lese i kveld! Kanhenda det kjem meir når huset er stilt.

Decluttering veke 12 av 52

Sunday, September 28th, 2008

Kvar dag ser eg nye ting som kan fjernast frå huset. Eg har rydda Even sitt rom denne veka, og der plukka eg mellom anna ut bilete-bøker frå hylla hans. Eg trur vi skal gje dei bort til eitt eller anna “godt formål”. Er det nokon som har gode idéar?

Decluttering veke 11 av 52

Wednesday, September 24th, 2008

Som eg sa i går, så går eg over til å blogge decluttering per veke i staden for per dag. Eg kjente eg fekk avsmak for heile blogginga når eg hadde eit press på meg til å skriva om eitt bestemt emne når eg eigentleg ville skriva om noko anna, men ikkje fann tid til begge delar.

Iallfall: Veke 11 gjekk med til “vanleg kasting”. No har eg byrja å la små-leikar (reklamefigurar o.l.) gå i søpla når eg finn dei liggande under bordet eller mellom sofaputene eller liknande. Ungane mine har nok leikar, trur eg, og dei har iallfall nok fnikkfnakk som dei eigentleg ikkje brukar. ;)

Ta seg sjølv i nakken

Tuesday, September 23rd, 2008

Eg er ikkje daud. Ikkje halvdaud ein gong. Ikkje så mykje som småsjuk heller, anna enn litt hoste. Eg hadde berre gått litt lei av blogginga.

Eg hadde stendig mange planar i hovudet for kva eg skulle skrive om, men då eg kom så langt, så … Tja, eg orka rett og slett ikkje. Men no trur eg at eg er på tur attende. Kanskje.

Trur eg må gjere som Mrs Darcy og gå over til å blogge om decluttering ein gong i veka.

I dag er det helg, forresten. Hadde arbeidshelg med måndag, fri i dag og kveldsvakt i morgon. Då rekk ein å kjenna på at ein har fri, og det er godt.

Gratulerer med dagen!

Wednesday, September 17th, 2008

Tor Inge er 37 år i dag. Gratulerer med dagen, kjærasten min! <3

Utfordring

Thursday, September 11th, 2008

Eg har fått ei utfordring frå Mari!

6 ting som gjer meg glad akkurat no:

  1. Bilen er fiksa! Den hadde ein liten feil som gjorde at dashbordet og baklysa var mørke, men i dag vart han reparert på verkstad. Ikkje vart det avskrekkande dyrt heller!
  2. Eg har Snickers i skapet som eg snart skal ete.
  3. Det er lønningsdag i morgon
  4. Skuldra mi, som har hatt ei betennelse, er nesten så god som ny, så no kan eg strikke att!
  5. Eg fann jordbær-te på Mega i dag! Mmmmm!
  6. Eg har ein flott familie som eg er veldig glad i!

Nyfiken som eg er, vil eg gjerne utfordra Lena (sjølv om eg veit kva ho er mest glad for akkurat no), Beyla (som ikkje ser ut som om ho er spesielt glad for noko i dag) og Mormor! Nevn 6 ting som gjer deg glad akkurat no.

Decluttering 62-67

Thursday, September 11th, 2008

Dei siste dagane har eg vore flink, om eg må seie det sjølv! Eg har rydda på “litj-stua”, og derifrå vart det kasta ein heil søplesekk med ting, mellom anna to te-lysestakar som eg ikkje har brukt på lenge på grunn av at dei er ganske vaklevorne, og dermed er skumle å ha lys i. Dei gjekk rett i søpla, for det er slett ikkje noko eg ynskjer at andre folk skal nytta heller!

I tillegg har eg rydda i skapa i gangen, så vinterkle som er for små er pakka og skal gjevast vekk. Ein søplesekk gjekk til Fretex i går, og den andre skal jentene til venninna mi ha.

Decluttering 58-61

Friday, September 5th, 2008

Eg har snik-kasta ting dei siste dagane … Til saman har eg kasta over 20 ting frå jenterommet, men noko var faktisk verkeleg søppel då.

Det siste eg kasta i dag, var ei øydelagt porselensdukke, og det er ikkje noko ein treng ha liggande “i tilfelle”! :)

Har du gløymt kva decluttering er, eller kanhenda det er eit nytt omgrep for deg? I så fall kan du lesa om det hjå Den grønne sti