Archive for September, 2008

Gratulerer med dagen, Oddvar!

Thursday, September 4th, 2008

I dag er stefaren min 71 år, men det skulle ein ikkje tru!

Det finnast ikkje ein meir vital og tøff 71-åring så vidt eg veit. Han chatter med barnebarn på MSN, brukar Skype til å prata med sonen sin i Skottland, lagar middag til 8 personar utan å blunke, bakar, lærer nye ting, lagar saft og syltety, kjem på fotballtreningar og -kampar der jentungen spelar, stiller opp som barnevakt når det trengs …

Eg er kjempeimponert over deg, Oddvar, og gler meg til vi får koma på bursdag i morgon!

Takk for at du er til.

Straumbrot

Wednesday, September 3rd, 2008

Når straumen er borte på grunn av uver oppdagar ein kor avhengig ein er av han.

I kveld har eg vorte påmint om at

  • det er mørkt i Trøndelag i September
  • eg ikkje veit kor lommelykta er til ei kvar tid
  • dei fleste talglysa eg har, har ei eller anna lukt
  • det er ikkje mogleg å bruka korkje mikrobølgeovn eller vasskokar til å varma te-vatn viss ein ikkje har straum
  • når TVen ikkje virkar på grunn av straumbrot kan ein heller ikkje sjå ein DVD for å få tida til å gå
  • … og ikkje bruka datamaskina heller
  • Sjølv ikkje radio fungerer dersom den ikkje har batteri!

Eg likte det eigentleg ikkje så godt, men sjølv eg ser at det er ei nyttig påminning av og til! (Og det er lett å seie når straumen er attende) ;)

Decluttering 57 av 365

Monday, September 1st, 2008

I dag har eg teke ein kikk i krydderskapet, og nesten utan å leite fann eg 4 krydderglas som hadde gått ut på dato … Dei vart kasta. :)