Tankar ved eit tastatur

Pappa har gjort ein kjempejobb med å få gamle bilete over i det digitale formatet, og difor kan eg dela med dykk; Monica, the early years!

Den stolen eg står ved, var eg borti i dag. Den er ganske liten, så i det perspektivet skjønar eg kor lita eg var då! (Oddvar; er det ikkje denne stolen du kviler foten din på no etter meniskoperasjonen då?)

Når eg ser dette biletet, ser eg forresten at Even er meir lik meg enn eg trur innimellom.

The Busserulls! Som de ser, var mødrene i gata fornuftige; naboguten har raud sykkel og raud busserull, eg har blå sykkel og brun (truleg heimesydd) busserull. Likevel leikar me her at guten er rednings”bilen” som kjem og hentar “bilen” min når den har gått sund …

17. mai for 100 år sidan. Eller iallfall i førre århundre. Mamma har sydd kjolen min, og eg kjenner meg fin! Rekner med at Asina-flaska venta ikkje alt for langt unna. Og i og med at eg ser presentabel ut, har vel neppe det årlege potetløpet funne stad enno!

Er ikkje dette eit flott bilete av meg og mamman min?

Fiskerjenten?

Denne hatten (trur eg)vart laga på grunn av at barnehagen hadde “rare hatter” som tema i barnetoget på 17. mai. Som de ser, syntest eg hatten var meir fin enn rar!

No har de fått eit lite glimt av meg som lita. Håpar fleire gjer som meg og deler sine tidlege år med resten av bloggeverda!

Takka vere Annette hugsa eg at eg har forsømt declutteringspostane den siste tida. Kva eg har kasta? Tja, sånn i farta er det ikkje lett å minnast, men eg skal gjere eit forsøk på å skrive ned noko av det:

• øydelagte hårstrikk
• klinkekuler ingen plukker med seg frå badegolvet …
• knappar som er øydelagte
• diverse frå kjøleskapet, noko av det kom nesten gåande av seg sjølv
• sokker med hol i
• papir frå “sjå igjennom seinare”-haugen

Det var alt eg hugsa i farta, men det har då definitivt vore litt!

Takk for påminninga Annette!

Eg har jo ikkje vista fram kva som var det siste eg strikka, men her kjem det:

Eit lite sjal som varmar godt over nakken og skuldrene.

The latest from my knitting; a shoulderwarmer shawl. Knitted in Kauni. I used approximately 100 g. I love this shawl. It keeps me warm, but it’s small enough to wear everywhere.

Trass i vond skulder, eller vonde skuldre er vel meir rett å seie, har eg ein stor glede nett no! I førre veke var eg innom alu-rehab og tinga ein ny bærbar gjennom heime-pc-avtala vi har på jobben, og allereie fredag var den på plass. Ein flunka ny acer aspire 5930g. Den er så fiiiin! Og rask! Og tøff! Og, som sagt, fiiin! Berre sjå:

Ja ja, så måtte eg òg plassera meg på kartet. Eg er på Fleskhus på bloggportalen Bloggurat!

Eg kom ikkje vekk i Hovudstaden, sjølv om bloggefrekvensen kanskje fekk deg til å tru det … Eg har berre vore i dårleg form att. Det var denne skuldra då veit de. Kortversjonen er: Tilrettelagt arbeid i fire veker, fysioterapi og ei MR-undersøking. Og eg er vel eigentleg ikkje til å ha i hus, for eg er stort sett sur og sliten. Så veit de det òg!

Eg har forresten ei ganske stor trøyst då, midt i all jamringa mi, men det får eg koma attende til, for eg må lasta inn eit bilete eller to først.

Eg og Hulda er på jentetur i samband med PPS-brukarforum. Vi er i Hovudstaden! Kom hit tidleg i dag, og har nytta dagen til å sjå i butikkar, handla litt (ikkje garn! Ikkje eitt nøste! Ikkje enno iallfall …), og vorte samde om at Panduro er vår favorittbutikk!

Her bur vi:

På Radisson Sas Scandinavia. Kvifor dette hotellet? Vel, det har basseng i kjellaren! Og der har vi òg vore i dag.

Middag på Peppe’s er bra for damer på bytur!

Hulda kjøpte seg ein salat til kveldsmat, og gjett om ho kosa seg med å ete i hotellsenga!

Og kva gjer to damer som har vore på Panduro når dagen er på hell? Lager julekort vel!

Fra oktober2008

Men no er det på tide å sova. I morgon er atter ein dag.

I helga har vi mellom anna drive med potetopptaking. Vi har ikkje så stor ein flekk, men vi sette ned 96(?) potetar, og fekk ei avling på omlag 25 kilo! Alle tok del i potetopptakinga, og Even var storfornøgd med potethausten. “Det her e jo heilt patetisk“ sa han. I ettertid har eg funne ut at fantastisk truleg var ordet han leita etter.

Og i tillegg til å vere potetbonde har eg sydd litt. Eg måtte ha ei stor mappe til eit sjal eg strikkar på:

Eg er nøgd sjølv og ho funkar flott!

Eg har vorte tagga av Cat!

Dagens høgdepunkt: Å invitera Hulda med på “jentetur” i samband med at eg skal på PPS-samling i Hovudstaden.

Dagens sang på hjernen: Genservise av Alf Prøysen (slik er det når ein arbeider i eldreomsorgen!)

Dagens joviale: Det skal vi finna ei løysing på, veit du!

Dagens fnis: Tenk å vere 31 år og få butikkdamene til å springa butikken rundt for å finna lakrissnører til meg!?!

Dagens irritasjonsmoment: Vakttelefonar som ikkje virkar som dei skal!

Dagens “for første gang”: Hulda gler seg iallfall til sin fyrste gong på hotell no i haustferien!

Dagens beste måltid: Chili con carne frå i går. Mmmmm!

Dagens spørsmål: Denne var verre … Kjem ikkje på noko fornuftig her, eg. Ikkje noko ufornuftig heller, forresten.

Dagens ordtak: Det ordnar seg alltid!

Kanskje Ellen, Annie og Betty vi svare på denne?

Eg har rydda i gangen att! Og no har eg i tillegg til å fjerna saker og ting hengt opp mellom anna ei hylle og fleire kroker til å henge ting på. Og så har eg laga eit nytt System i lag med Even. Vi har funne oss ei plastkasse med lokk som står i trappa, og i den kassen skal vi legge “småting” som elles ligg på golvet i gangen, midt i trappa e.l. Og så skal eg ta på meg å masa på alle familiemedlemma innimellom slik at alle tek med sine ting frå kassa, og det som vert liggande att, går i søpla. Genialt om eg skal seie det sjølv!