Archive for December, 2008

Takk for det gamle!

Wednesday, December 31st, 2008

I dag er siste dag i 2008, og då er det på tide med ei kort oppsummering av bloggeåret som har gått!

I januar kasta eg ut juletreet rekordtidleg, eg og Tor Inge var på skitur og vi feira både bursdagar og at jula var over med pepparkakehusknusing.

I februar fekk eg blomar frå mannen og gryteklutar frå dottera i morsdagsgåve. Tor Inge sette forstandet stilt i meg då eg plutseleg og uventa fekk valentinsgåve, så då er det kanhenda ikkje så viktig at han ikkje har nytta dei 1460 dagane enno? Februar var forresten veldig mild, og ungane var ute med syklane

Bulleråsrennet gjekk av stabelen i mars, og Hulda var med for fyrste gong. Eg strikka både spidey-lue og -vottar,  og vi hadde mange flotte turar i herleg ver i påska.

I april vart vår kjære Synnøve brått sjuk, men heldigvis gjekk det bra! Eg designa mi fyrste lua, the bathat denne månaden, og Oddvars båt kom på sjøen att.

I mai fann eg plutseleg ut at eg ville sy, og det har eg ikkje slutta med etterpå … Og vi feira så klart nasjonaldagen!

Hytteturen i juni var herleg, og mot slutten av månaden reiste stor-ungane åleine med toget nordover.

I juli fekk vi nok eit prov på kor store ungane er då dei var på telttur åleine i marka. I tillegg fekk vi med oss Spelet om Heilag Olav, og det var ei flott oppleving!

August var ein herleg månad med blåbertur i Volhaugen og ferietur til Jøssund. Vesleguten min som er 6 år i dag(!!!) byrja på skulen, og berre eg ser bileta, kjenner eg klumpen manifestere seg i halsen min. Ja, og så var det jo denne månaden vi fiska hund midt på natta …

Ny bil vart det i september, og Even grubla litt om tenner og tannfeen.

Eg kjøpte ny pc i oktober, og synte fram meg sjølv som lita.

Vinteren kom i november, og vi byrja gle oss til jul!

I desember vart bloggefrekvensen heller laber, men eg fann ein flott blogg som var ny for meg og koste meg med juleførebuingar.

Dett var dett på årets siste dag! Kva har du lyst til å nemna frå året som gjekk?

Rive ned og byggje opp…

Friday, December 26th, 2008

Eg har hatt ein del problem med nettsidene mine på grunn av eit virus. Sørgjeleg er det, men no vonar eg det skal bli greit att. -Men eg lover ingen ting!

Dersom du har kommentert hjå meg, og kommentaren din er borte, kan eg berre seie at eg er lei for det, men eg blir veldig glad for nye kommentarar! :)

Juleferie

Sunday, December 21st, 2008

I går tok eg på meg ei ekstra kveldsvakt, men no har eg sanneleg teke juleferie! I mi 75% stilling, har eg ei friveke av 12 veker på turnusen, og fantastisk nok fell denne veka på nettopp veka som kjem. Det er nesten ikkje til å tru! Dessutan kjente eg at det var bruk for meg på jobben i går, og då er det endå lettare å ta juleferie med godt samvit.

I dag har eg rundvaska badet, laga pepparkakehus og marsipanfigurar i lag med ungane, og prøvd å få unna ein haug med klesvask. No er eg rimeleg pumpa.

Ser på fleire bloggar at mange no i kveld er ferdige til jul. Vel, det er ikkje eg. Eg likar best å bli ferdig i laupet av lille julaften så eg kan slappa av då. er det verkeleg jul for meg! Men no skal eg slappa av i eit framleis smårotete hus, og truleg skal eg leita fram ei glas-flaske med Dahls julebrus. :)

Hurra for søvn!

Saturday, December 13th, 2008

I omlag ei veke no, har eg hatt problem med å få sova. Og når eg har somna, har eg vakna att sånn omlag ein gong for timen, som eit anna gjøkur. Naturleg nok vert ein sliten av slikt, så dette er ein “Hurra-post”:

I natt har eg sove! Eg trur sanneleg eg har vore borte i rundt 8 timar utan avbrot. Så herleg! No er eg i form til å gå på arbeid i kveld. :)

Nærleik

Wednesday, December 10th, 2008

Eg har fått ei flott utmerking frå Ruth, og det gjer meg stolt!

Her er ho:


“The blog invests and believes the PROXIMITY – nearness in space, time and realationship! These blogs are exceedingly charming. These kind bloggers aim to find and be friends. They are not interested in prices or self-aggrandizement. Our hope is that when the ribbons of these prices are cut,even more friendship are propagated. Please give more attention to these writers!Deliver this award to eight bloggers who must choose eightmore and include this cleverly written text into the body of their awards.”
“Denne bloggen investerer i og tror på NÆRHET- nærhet i rom, tid og forhold! Disse bloggerne er usedvanlig sjarmerende og søte, og formålet er å finne og å være venner. De er ikke opptatt av utmerkelser og selvhevdelse. Vårt håp er at når båndene på disse utmerkelser er kuttet, vil enda flere vennskap ha forplantet seg. Vær vennlig å gi litt ekstra oppmerksomhet til disse! Gi denne utmerkelsen til åtte bloggere, som igjen må velge seg åtte nye. Inkluder denne teksten på utmerkelsen deres”.

Så HERLEG å få gje denne til så mange, men ulempen er då at mange allereie har fått denne. Meeeeen, likevel er det jo riktig av meg å vise av kven eg meiner fortener det, så får dei heller posta fleire gongar viss dei vil syna fram nettopp det! ;P

Versågod til Hege (for begge bloggane dine), Beyla, Lena (lenge sidan du har blogga no?), Sipusa, Stjerneglimt, Frøken ij, og Mari (kom deg på nett att!) Og den åttande? Ruth som ga meg denne så klart!

“Julestri” er eit dårleg ord

Sunday, December 7th, 2008

… sjølv foretrekker eg førjulskos, for det er nettopp det det er.

I dag var eg og Even ute med rattkjelken, men på den andre turen gjekk det skeis. Fyrst ramla eg av, og så gjorde kjelken eit rundkast, og Even hamna med andletet ned i skaresnøen. Eg måtte spørra han om det gjekk bra med tennene hans, for han blødde. “BLØR Æ?” sa han, og då kom gråten.

Han blødde ja, men tennene var på plass, og det vart mindre verandaleppe enn eg frykta.

Men skremmande var det visst. Vi tok ein tur til for å overvinna den store skrekken, og så håpar vi at han vil køyre meir kjelke seinare.

Etterpå måtte vi finna på noko, for medan nokon les til eksamen i økologi, har andre glade bakedagar:

Peparkakene vart kjempegode!

Just a few images from this sunday. My son had a small accident when we were out playing in the snow, but the baking made him stop thinking about his lip.

I småstundene om kveldane har eg halde på med eit par prosjekt. Det eine er halvvottar.


I’ve knitted half-mittens. I’m gonna keep these myself. Knitted in Chiri alpaca from Rauma, and they are sooo soft!

I tillegg har eg laga ein julegåve. Mottakaren les ikkje bloggen min, så det er trygt å posta dei. Og sjå! Eg fekk til å hekla ein blome!

These wristwarmers are a christmasgift. I’m proud of the flower. I thought I couldn’t crochet! Knitted in Bamboo from Bernat. I got it in a swap present in a liqourice-swap at swap-bot.

No er eg klar for ei ny veke på arbeid!

Eit funn og ei utfordring

Tuesday, December 2nd, 2008

Eg søkte etter “adventsdikt” i dag, og då ramla eg inn på ei side kalla “Stillhetens visittkort“. Og der vart eg. Lenge. Ta ein kikk du og?

Så til utfordringa. Eg vart så sett ut då Mari skreiv “skjønne Monica”, at eg har sanneleg ikkje somla meg til å ta utfordringa enno. ;) Men no skal vi sjå …

7 ting du kanskje ikkje visste om meg

  1. Eg har store føter i forhald til at eg er ganske så tynn. Difor er det vanskeleg å finna støvlettar som passar både foten og leggen. Det er ikkje pent når støvlettane sleng rundt leggane!
  2. Eg er glad i “bakgrunnsstøy”, men på dagtid kan ikkje dette vere frå TV. Då må eg ha radioen på.
  3. Radioen på kjøkkenet står fast på P1
  4. … og det gjer radioen ved symaskina òg.
  5. Eg drikk julebrus (nesten) kvar dag i adventstida. Og det må vere Dahls julebrus. Anna julebrus drikk eg ikkje.
  6. Eg drøymde aldri om å bli sjukepleiar, men takka vere ei venninne landa eg på det studiet. Og eg har ikkje angra ein dag!
  7. Eg er ei sippeguri når det dreier seg om ting ein kan bli rørt av. Eg kan felle tårer for ein vakker solnedgang, vårens fyrste hestehov, stjernehimmelen, levande ljos, varme barnearmer kring halsen …. Get the picture?

Såh! Denne vel eg å senda til Ruth, som eg veit lite om!

Takk til Mari for artig utfordring.

Bloggurat?

Tuesday, December 2nd, 2008

Hm, eg slit litt med sidene mine for tida, og plutseleg var eg borte frå Bloggurat. Har prøvd å plassera meg att, så får vi sjå!

Pakke til meg!

Monday, December 1st, 2008

Eg vert alltid så lukkeleg når postbilen stoppar utanfor her. Og denne gongen hadde han med ei søt pakke frå Kina (neidå, det er ikkje fyrste gong!) som var sendt som rekommandert sending.

Eg måtte berre fortelja han kva det var som var inni, og då fekk han seg ein god latter. :) Det er visst ikkje heilt vanleg at slikt sendast rekommandert. Men sjåååå kor flott:

Bambuspinnar og etui er handla på ebay. Det er 8season knitting som sender desse til meg. Og det gjekk på under 2 veker!

Julekalender

Monday, December 1st, 2008

Julekalenderen her i huset ser slik ut.

Dersom du ynskjer deg ein julekalender, vil eg oppmoda deg til å følga med på kalenderen til Maren. Det fyrste innlegget lovar godt for den neste dagane!

God førjulstid!