Archive for January, 2009

Sovedag

Wednesday, January 28th, 2009

I dag sov eg heilt til 9. Det er lenge til meg å vere. Heldigvis hadde mannen vore oppe og sendt 4 ungar på skule før han sjølv skulle i veg. Langt bak i hovudet hadde eg nokre planar om å Gjere Noko i dag, før personalmøtet klokka 14 og seinvakta etterpå, men det er skrinlagt. Eg har fri i morgon. Då kan eg Gjere Noko.

I går vart eg ferdig med “Turn a square”-lua til meg sjølv, og ikkje før hadde eg fått festa tradene, så hadde eg ei ny på pinnene. Dette er mi:

Som de ser på Ravelry-knappen, er eg ein av maaaange som har fått dilla på denne! Og så går det så kjapt å strikka. Kjempeartig!

Hunden Reico er forresten i gang med ein ny antibiotika-kur. Det kunne vere at han hadde ein UVI, og han ser betre ut no. Då han hadde vore hjå dyrlegen såg han iallfall ikkje god ut! Han var sedert i over tre timar, og det vart teke røntgen-bilete og han vart kateterisert og fekk sedasjon og antibiotika intravenøst …

Det som er litt “vittig” no, er at han ikkje lenger hugsar kvar han har vondt, så han kjem stendig og viser fram foten sin. :)

Vel vel, hunden er definitivt betre (sjølv om han ikkje trur det sjølv), og eg er mest spent på korleis vi skal få til å ta ny urinprøve av han etter antibiotikakuren. Trur det kunne ha vorte ein artig heimevideo!

Stakkars bloggen!

Monday, January 26th, 2009

I eit liv som vert meir og meir travelt, er det bloggen eg ikkje tek med tid til. Førre veke arbeidde eg 5 dagar og var på skule 2 dagar. Og så har eg vore på arbeid i dag. Men no har eg fri “heilt” til onsdag klokka 15. ;)

Eg fekk eit innfall her før jul, og fann ut at eg ville bli ein betre vegleiar. Som sjukepleiar har eg jo ofte studentar, og det å ikkje kjenna at ein greier å ta hand om dei på best mogleg måte er litt slitsamt. Difor oppdaga eg plutseleg at eg hadde meldt med på “Vegleiingspedagogikk I” på HiNT. Det er deltids- og samlingsbasert, og fyrste samling var førre veke. Det var både spennande og interessant, og litt godt både å sitje i klasserommet og i kantina att. -Men det aller beste var då eg skulle handla bøker, for dei var det arbeidsgjevar som skulle betala. :)

Vi får sjå om eg greier å finna meir å blogga om etter kvart, men nett no er hovudet tomt. Ha ei god veke, folkens!

På tide med oppdatering

Sunday, January 18th, 2009

Eg har ikkje vore heilt i “bloggeform” i det siste. Dagane har kome og gått litt for raskt for meg, og i tillegg til alt ein har lyst til å halda på med, må ein jo sanneleg på arbeid innimellom òg …

Torsdag feira vi Hulda sin 10årsdag med jentene i klassen hennar. Dei vart til saman 14 stykker, og bursdagsbarnet sjølv hadde tinga “bassengkake”. Kva det er? Jo, det er sjokoladekake med eit gelébasseng. Slik:

Eg skar ut eit stykke av kaka og la aluminiumsfolie i “holet”. Den biten eg skar ut, fekk plass på kaka, og så la eg gelé i holet.

Pyntinga fekk bursdagsbarnet sjølv ta seg av, med stort hell:

Det er ho som er den kunstnariske i familien …

Kaka gjorde stor lykke, og då Even skulle feire 6 årsdag på laurdag (med 16(!) inviterte gjestar), ville han òg ha bassengkake. Hans vart litt meir prega av at det skulle vere mykje godt på ho, men den kaka vart òg flott!

Då kaka kom på bordet, viste det seg at jubilanten sjølv eigentleg ikkje syntest kaka var god, så han åt pølse (sjølv om han nettopp hadde ete 2):

Då var denne bursdagsmaratonen over, og det er eigentleg litt godt …

I små-stundene har eg strikka denne:

“Turn a square” heiter ho, og lua er både enkel og har god passform. Mottakaren seier han er fornøgd, men han ville ikkje bruka ho på tur i dag. Dette var “finlue”, visstnok.

Nokre glimt frå turen med det same:

Det er herleg å bu slik til at ein berre kan kle på seg og gå ut for å vere på tur!

No håpar eg at eg er “opplada” til ei ny arbeidsveke! Ha ei god veke alle saman!

Fisherman’s friend

Saturday, January 10th, 2009

Eg er med i ein KAL (knit along) på Ravelry der alle skal strikke minst eitt av Jorid Linvik sine fantastiske mønstre, og eg valde dette og er superfornøgd! Eg byrja tidleg i desember og har eigentleg ikkje strikka så lenge på dei, synast eg (det kom liksom noko i vegen for nokre veker sidan …). Dei var artige og ikkje spesielt vanskelege å strikke. Flott mønster! -Og eg har allereie tinga fleire av Jorid sine mønster. :)

I participated in a KAL in Ravelry with Jorid Linvik’s designs. I made the Fisherman’s friend-mittens, and I love them! I had fun knitting these, and the pattern is great!

Hysj, det er laurdag!

Saturday, January 10th, 2009

“Kva skal du gjere i dag då?” sa gubben då han sto der i fullt skiutstyr, klar til å renne rundt i den blaute snøen i ei lysløype ein eller annan stad.

“Strikke!” gliste eg “Og høyre på radio og drikke kaffi og kooose meg!”

Han heva augebryna lett, og eg kunne sjå eit glimt av smil då han rista lett på hovudet. Han synast mine planar for ein laurdag formiddag er akkurat like absurde som det eg synast hans planar er. Det er ganske fantastisk!

Og det aller beste er at eg veit at når vi begge to gjer det vi har mest lyst til, gler vi oss desto meir til å sitje i lag og sløve i sofaen i kveld. Lage god mat og sjå ein film. Å vere så ulike på nokre område gjer nok at vi utfyller kvarandre og har noko å gje kvarandre når vi møtast att. Men akkurat no, har eg Laurdag Formiddag heilt åleine, nett slik eg likar det best!

Postsecret-prosjekt treng deg!

Tuesday, January 6th, 2009

Takka vere Virrvarr, fann eg òg vegen til hjartesmil og postsecretprosjektet hennar. Ho ynskjer seg (anonyme) løyndomar på postkort som kan publiserast. Spennande, ikkje sant? Postkortet sender du til

mariell øyre
v/3mka, firda vgs
firdavegen 21
6823 sandane

Bli med då vel!

Du må ikke sove

Monday, January 5th, 2009

Jeg våknet en natt av en underlig drøm,
det var som en stemme talte til meg,
fjern som en underjordisk strøm -
og jeg reiste meg opp: Hva er det du vil meg?
- Du må ikke sove! Du må ikke sove!
Du må ikke tro, at du bare har drømt!

I går ble jeg dømt
I natt har de reist skafottet i gården.
De henter meg klokken fem i morgen!

Hele kjelleren her er full.
og alle kaserner har kjeller ved kjeller.
Vi ligger og venter i stenkolde celler,
vi ligger og råtner i mørke hull!

Vi vet ikke, hva vi ligger og venter,
og hvem der kan bli den neste, de henter.
Vi stønner, vi skriker – men kan dere høre?
Kan dere absolutt ingenting gjøre?

Ingen får se oss.
Ingen får vite, hva der skal skje oss.
Ennu mer:
Ingen kan tro, hva her daglig skjer!

Du mener, det kan ikke være sant,
så onde kan ikke mennesker være.
Der finnes da vel skikkelig folk iblant?
Bror, du har ennu meget å lære!

Man sa: Du skal gi ditt liv, om det kreves.
Og nu har vi gitt det – forgjeves, forgjeves!
Verden har glemt oss! Vi er bedratt!
Du må ikke sove mer i natt!
Du må ikke gå til ditt kjøpmannsskap
og tenke på hva der gir vinning og tap!
Du må ikke skylde på aker og fe
og at du har mer enn nok med det!
Du må ikke sitte trygt i ditt hjem
og si: Det er sørgelig, stakkars dem!

Du må ikke tåle så inderlig vel
den urett som ikke rammer deg selv!
Jeg roper med siste pust av min stemme:
Du har ikke lov til å gå der å glemme!

Tilgi dem ikke; de vet hva de gjør!
De puster på hatets og ondskapens glør!
De liker å drepe, de frydes ved jammer,
de ønsker å se vår verden i flammer!
De ønsker å drukne oss alle i blod!
Tror du det ikke? Du vet det jo!

Du vet jo, at skolebarn er soldater,
som stimer med sang over torv og gater,
og oppglødd av mødrenes fromme svik,
vil verge sitt land og vil gå i krig!

Du kjenner det nedrige folkebedrag
med heltemot og med tro og ære -
du vet, at en helt, det vil barnet være.
du vet, han vil vifte med sabel og flagg!

Og så skal han ut i en skur av stål
og henge igjen i en piggtrådvase
og råtne for Hitlers ariske rase!
Du vet, det er menneskets mening og mål!

Jeg skjønte det ikke. Nu er det for sent.
Min dom er rettferdig. Min straff er fortjent.
Jeg trodde på fremgang, jeg trodde på fred,
på arbeid, på samhold, på kjærlighet!
Men den som ikke vil dø i flokk
får prøve alene, på bøddelens blokk!
Jeg roper i mørket – å, kunne du høre!
Der er en eneste ting å gjøre:
Verg deg, mens du har frie hender!
Frels dine barn! Europa brenner!

Jeg skaket av frost. Jeg fikk på meg klær.
Ute var glitrende stjernevær.

Bare en ulmende stripe i øst
varslet det samme som drømmens røst:
Dagen bakenom jordens rand
steg med et skjær av blod og brann,
steg med en angst så åndeløs,
at det var som om selve stjernene frøs!

Jeg tenkte: Nu er det noget som hender. -
Vår tid er forbi – Europa Brenner!

Arnulf Øverlands dikt frå 1937 er skremmande aktuelt i dag.

Betre seint enn aldri

Friday, January 2nd, 2009

Muffin inviterte til handarbeidsfest. Dei andre starta visst festen klokka 20 i kveld, men eg har vore på jobb. Eg skal på jobb i morgon klokka 7 òg, så her vert det korkje kaffi eller te. Ikkje ein gong ein kopp orkar eg å syne fram; eg drikk julebrus! :)

På pinnane har eg nettopp fullført ein Fishermans Friend-vott, skal vel starte på nummer to snart. Håpar festen har vore bra så langt, og at det er att litt sjokoladekake til meg òg.

Vinter og sne

Thursday, January 1st, 2009

en skiløper suser avsted …

Hulda vart 10 år klokka 00:05 i natt, og i gåve frå oss her heime, fekk ho denne Bjørn Dæhlie-skidressen. Jentungen har faktisk vorte såpass stor at ho måtte ha XS damestorleik!!! Her er ho (med mine skisko, hennar eigne er jo for små!) klar for skitur i lag med Tor Inge. Dei er ved Marka skistadion i Leksdal, der løypene i følge løypekartet skal vere ganske så nypreparerte.

I går kveld var vi fire til bords her, Oddvar(Besten), Hulda, Tor Inge og eg, og på menyen sto roastbeef, hasselbackpotet, grønnsaker og fløtesaus. Og fruktsalat til dessert.

For å få kvelden til å gå, koste vi oss med å sjå Mamma Mia på DVD, drakk kaffi og åt småkaker og prata masse.
Som einaste unge heime, var det nok av plassar å kose seg.

Då klokka hadde passert elleve, var det vanskeleg å halda seg vaken for nokre av oss, så kva passar vel betre då enn ein liten tur ut? Ho vakna definitivt etter dette!

Då klokka nærma seg tolv-talet var det på tide å ta turen ut. Vi har veldig god utsikt heimefrå, både mot Trones, Ytterøya, Mosvika og Røra, så vi såg masse fyrverkeri!

Då moroa var over, gjekk vi inn att, og Hulda fekk opne gåvene sine. Ho hadde problem med å tru at nokon kan skriva så pent som Tante Ellen, så ho måtte sjå lenge og vel på kortet.

Ei av pakkene var litt meir spennande enn dei andre:

Eg må innrømma at eg kjenner alderen tyngar. Ho som ikkje har hatt mobiltelefon før, brukte maks 5 minutt på å finna ut av korleis den fungerte. Eg må alltid lese bruksanvisninga …

Håpar alle hadde ein fin kveld i går, eller “God nyttårsaft!” som Even sa til meg i telefonen. Eg ynskjer alle alt godt for 2009!