4×4: Utfordring frå AB.
Kanhenda er det nettopp dette eg treng for å koma meg i gang med blogginga att? Eg er sant å seie flau over kor lite blogging det har vore med meg. Dette er faktisk det fyrste innlegget på tre månader …
Vel, til saka:
Den flotte dama bak bloggen ABs lille verden har sendt meg ei utfordring. Og det bør eg vel ta på stak arm. Eg skal skriva 4 ting eg har gjort i dag, 4 ting eg ynskjer meg og 4 ting eg likar dårleg. Og så skal eg utfordra 4 andre. La oss setje i gong!
4 ting eg har gjort i dag:
- Lese avisa leeenge og nøye. Det er berre laurdagar eg tek meg tid til det, på kvardagane blar eg berre kjapt igjennom.
- Eg har vore ute og aka i lag med ungane. Det er merkeleg kor nervøs ein blir etter kvart som ein blir eldre. No synast eg jo at rattkjelken er kjempeskummel! Og ungane synast eg er ei pyse …
- Kjøpt laurdagsgodt! (Til meg sjølv altså. Ungane kjøper sitt eiget)
- Laga og drukke varm sjokolade til lunsj i lag med familien min. Mmmmmmm!
4 ting eg ynskjer meg:
- Nye gardiner til stua. Det skulle eg eigentleg kjøpa denne månaden (trudde eg), men så gjekk tørketrommelen sund. Og i og med at vi er ganske mange i husstanden, og tre av ungane driv med fotball, så må vi faktisk ha tørketrommel. Eller fleire sett treningstøy og handdukar. Så dei raude gardinene heng oppe enno, men kanskje neste månad ..?
- Fleire laurdagar per månad! Laurdag er den aller beste dagen i veka, men den går så alt for fort …
- Ein stor bukett tulipanar. Eg fekk det til morsdagen, men eigentleg vil eg ha tulipanar kvar helg, iallfall på denne tida av året.
- Litt meir ordenssans. Og ork til å halda meir orden i huset. Eg blir litt lei av mitt eiget rot av og til, men stort sett trivast eg med å ha det slik som vi har det her heime.
4 ting eg likar dårleg:
- Fordomsfulle menneske som ikkje har vilje til endring.
- Måndagar. Dei er travle, stressande og slitsame.
- Blank-is. Eg er like redd på glattisen no som eg var då eg var lita og ikkje våga krysse gardsplassen på blankisen før nokon kom og hjalp meg. Skilnaden er berre at no kan eg ikkje stå og ropa om hjelp, for det ser litt dumt ut. Dessutan bur vi litt aude, så eg hadde truleg vorte ståande til isen forsvann …
- Stress! Når eg kjenner at eg ikkje har kontroll på situasjonen, blir eg stressa. Eller når eg har dårleg tid, eller ikkje rekk alt eg skal. Men eg øver på å handtera det betre, og eg har kome ganske langt, heldigvis.
4 fine folk eg vil utfordra:
- Ruth/Ullhedina
- SerendipityCat
- Marianne/ Mannes lille verden
- Mette/ Tilflukt
Tek dei utfordringa, tru?
.
- Postar som kanskje liknar:
- 25 random things about me
February 27th, 2011 at 01:19
Hei. Jeg er så dårlig på sånne, men jeg skal forsøke over helgen når jeg får littegranne bedre tid.
Koselig å se bloggen din igjen.
Jeg sitter ogf venter på at Pusifer skal komme inn sånn at jeg kan komme meg i seng. . Går jeg og legger meg så kommer hun til å sitte å remje utenfor om 20 min. Garantert.
February 27th, 2011 at 15:27
Eg venter i spenning!
Takk for at du synast det er koseleg å sjå livsteikn her att. Eg har vore veldig sløv dei siste månadane, men det er mykje som hender i det Ekte Livet, og ikkje alt gjer seg som “blogg-mat”. 
February 28th, 2011 at 11:43
Jeii, du tok utfordringa
Ha en fin fin mandag søta!