Ringo er heime!

I går snakka eg og Tor Inge om at no hadde det gått så lang tid utan spor og utan noko teikn til Ringo, at det nok eigentleg var på tide å trappe ned leitinga. Vi vart meir og meir sikre på at han hadde gått seg ned i ei elv og forsvunne under isen, eller at han hadde vorte skadd eller noko anna … Iallfall tvilte vi veldig på at han kom att meir.

Det har vorte leita etter han kvar dag i veka som gjekk, etter at han kom bort førre søndag, men det har ikkje vorte funne eit einaste spor. Vi var òg i kontakt med synske personar utan hell, og det meste såg mørkt ut. Kvar gong telefonen ringte, hoppa vi og håpa på det beste, men det var ikkje noko nytt. Før i dag:

Tor Inge vart oppringt av Jon Bengtsson og vi fekk høyre at Ringo var observert i Malsådalen av Astrid Borgen. Ein av våre “gode hjelparar”, Melvin Nessemo, heiv seg rundt og drog ut og fekk fanga inn hunden. Ringo var ganske “bortreist” og forvirra etter ei veke på tur, og slappa ikkje av før Tor Inge fekk han inn i bilen og han fekk ligge i bilsetet på jaktlua hans.

Gleda var stor i huset då dei kom heim! Ringo er ganske så tynn og slapp etter denne veka, samt at han har vondt i ein fot, og det vil nok gå ei stund før han er den “gode gamle” att. Han får kokt sei og ris i små porsjonar for å venne magen på mat att, og elles får han masse kos og klapp og kvile.

Utan alle som har engasjert seg i at Ringo har vore borte, og som har vore med og leita og halde utkikk, hadde han truleg ikkje kome til rette att, så tusen takk til alle som har brydd seg om både oss og hunden denne veka, og spesielt ein stor takk til Gjermund Leirset, som har vore i fjellet og leita kvar einaste dag. No skal vi slappe av og kose oss med hunden vår.

Tags: , ,

6 Responses to “Ringo er heime!”

  1. eli Says:

    Det var kjekt, Monica! Har tenkt på dykk.

  2. Lasse G. Dahl Says:

    Gratulerer! Godt at det gikk bra til sist.

  3. AB Says:

    Jeiii, fantastisk!

  4. Ruth Says:

    Du, nå ble jeg glad. Jeg fikk så vondt av deg da jeg leste at hunden var borte, det er skrekkelig vondt å ikke vite hva som har skjedd. Så BRA at det endte så godt. Jeg er sikker på at den store klumpen i magen er borte nå? Stor klem.

  5. mimouna Says:

    Åh så godt at det fikk en lykkelig utgang. Vondt når kjæledyr bare blir borte og man ikke vet hva som har skjedd med dem. Kos dere masse med Ringo. :)

  6. madden nfl 17 Says:

    I benefit from looking through your websites. Thank you!
    madden nfl 17 http://servidor1.smartnethostingcolombia.com/saludxn/forum/topic/4627

Leave a Reply