Archive for the ‘Nettrelatert’ Category

4×4: Utfordring frå AB.

Saturday, February 26th, 2011

Kanhenda er det nettopp dette eg treng for å koma meg i gang med blogginga att? Eg er sant å seie flau over kor lite blogging det har vore med meg. Dette er faktisk det fyrste innlegget på tre månader

Vel, til saka:

Den flotte dama bak bloggen ABs lille verden har sendt meg ei utfordring. Og det bør eg vel ta på stak arm. Eg skal skriva 4 ting eg har gjort i dag, 4 ting eg ynskjer meg og 4 ting eg likar dårleg. Og så skal eg utfordra 4 andre. La oss setje i gong!

4 ting eg har gjort i dag:

  • Lese avisa leeenge og nøye. Det er berre laurdagar eg tek meg tid til det, på kvardagane blar eg berre kjapt igjennom.
  • Eg har vore ute og aka i lag med ungane. Det er merkeleg kor nervøs ein blir etter kvart som ein blir eldre. No synast eg jo at rattkjelken er kjempeskummel! Og ungane synast eg er ei pyse …
  • Kjøpt laurdagsgodt! (Til meg sjølv altså. Ungane kjøper sitt eiget)
  • Laga og drukke varm sjokolade til lunsj i lag med familien min. Mmmmmmm!

4 ting eg ynskjer meg:

  • Nye gardiner til stua. Det skulle eg eigentleg kjøpa denne månaden (trudde eg), men så gjekk tørketrommelen sund. Og i og med at vi er ganske mange i husstanden, og tre av ungane driv med fotball, så må vi faktisk ha tørketrommel. Eller fleire sett treningstøy og handdukar. Så dei raude gardinene heng oppe enno, men kanskje neste månad ..?
  • Fleire laurdagar per månad! Laurdag er den aller beste dagen i veka, men den går så alt for fort …
  • Ein stor bukett tulipanar. Eg fekk det til morsdagen, men eigentleg vil eg ha tulipanar kvar helg, iallfall på denne tida av året.
  • Litt meir ordenssans. Og ork til å halda meir orden i huset. Eg blir litt lei av mitt eiget rot av og til, men stort sett trivast eg med å ha det slik som vi har det her heime.

4 ting eg likar dårleg:

  • Fordomsfulle menneske som ikkje har vilje til endring.
  • Måndagar. Dei er travle, stressande og slitsame.
  • Blank-is. Eg er like redd på glattisen no som eg var då eg var lita og ikkje våga krysse gardsplassen på blankisen før nokon kom og hjalp meg. Skilnaden er berre at no kan eg ikkje stå og ropa om hjelp, for det ser litt dumt ut. Dessutan bur vi litt aude, så eg hadde truleg vorte ståande til isen forsvann …
  • Stress! Når eg kjenner at eg ikkje har kontroll på situasjonen, blir eg stressa. Eller når eg har dårleg tid, eller ikkje rekk alt eg skal. Men eg øver på å handtera det betre, og eg har kome ganske langt, heldigvis.

4 fine folk eg vil utfordra:

Tek dei utfordringa, tru?

 

 

.

 

Ingen kan hjelpe alle, men alle kan hjelpe nokon!

Thursday, July 8th, 2010

Eg hugsar ikkje når, og heller ikkje kven som ein gong tipsa meg om Kiva, men du skal ikkje sjå bort frå at det var her.

Eg sette inn $25 på min “Kiva-konto” for Lenge Sidan, og etter den tid har eg lånt ut pengane ein 3-4 gongar. Tanken bak Kiva er at vi skal hjelpa entrepenørar med mikrolån. Og “vi“, det er meg og deg og dei andre som har $25 å avsjå. Og du får dei attende, det har eg gjort kvar gong!

I dag har eg lånt ut omlag kr 160,- til Los Canastitos Group som skal bruka pengane til å handla inn materiale til saum. Målet er at dei på sikt skal greie seg sjølv, og så langt har mitt forhald til Kiva vore problemfritt. Pengane mine har kome attende, og eg har lånt dei ut att. Eg har kr 160,- uteståande i Nikaragua. Kven vil du låna ut pengar til?

Livet er herleg!

Thursday, May 20th, 2010

Bedrebustur.dk kan vi både lese og sjå videoen om bussjåføren Mukhtar som blir overraska på bursdagen sin. Det var nok til at eg vart rørd i alle fall. ;)

Her er videoen:

Vårleg blogg!

Friday, April 30th, 2010

Ute regner det konstant for tida, men på bloggen er det vår! Eg har endra litt, og takka vere WordPress sine geniale løysingar, er det veldig enkelt å skifta design innimellom.

Vart det ikkje vårleg og flott no, kanskje? Så gløymer vi regnet ei stund. Det er iallfall fint ver ute å vere inne i!

Nordic feet #1

Sunday, October 11th, 2009

Merete har drege i gang ein ny runde med “Nordiske føter“, og eg vil vere med!

Temaet i dag er haust, og det var jo lett, med ein haug med haustlauv ute på gardsplassen. Eg hadde eigentleg ein plan om å ha på meg fjellsko og gå ut og ta fleire “blinkskot” av lauv og føter, men vart litt meir i tvil då naboen kom heim. Greit nok, han veit vel eigentleg at leigebuarane hans ikkje er heilt som alle andre, men å springa rundt i fjellsko med speilreflekskamera og berre ta bilete nedover, trur eg kunne fått sjølv han til å undra meir enn godt er. Difor vart det berre ein snartur i støvlane til stor-guten (som er mange nummer for store), men her er det iallfall haust:


Lauvet har ungane raka i dag for å kunne hoppa i det etterpå.


Graset burde vel eigentleg ha vore klipt ein gong til før snøen kjem ..?


Det er ikkje til å kome unna, vi må nok ta ein ryddedag ute snart!

Kvar er dine føter når det er haust?

Ein blome til Ruth!

Wednesday, September 23rd, 2009

Denne er til deg, Ruth (http://ullhedina.blogspot.com/), avdi statistikken min seier at det er sida di som genererer mest trafikk til sida mi. Takk skal du ha, og takk til alle besøkande!

Legg gjerne att ein kommentar, det er så hyggeleg!

ABC i ord og bilete -I

Friday, May 1st, 2009

Når ABC-dag og fyrste mai var samanfallande, var dagens bokstav grei!

I for Internasjonalen:

Opp, alle jordens bundne trelle!

Opp, I som sulten knuget har.

Nu drønner det av rettens velde:

Til siste kamp der gjøres klar.

Alt det gamle vi med jorden jevner,

Opp, slaver, nu til frihet frem!

Vi intet var, men alt nu evner

Til rydning for vårt samfunns hjem.

Så samles vi på valen,

Seiren vet vi at vi får.

Og Internasjonalen

Skal få sin folkevår!


Arbeider, bonde, våre hære

De største er som stevner frem.

Vårt arvelodd skal jorden være,

Vi sammen bygge vil vårt hjem.

Som av rovdyr er vårt blod blitt suget,

Men endelig slår vi dem ned.

Og mørket, som så tungt oss knuget,

Gir plass for solens lys og fred.

Så samles vi på valen,

Seiren vet vi at vi får.

Og Internasjonalen

Skal få sin folkevår!

Hulda og Even var rimeleg stolte då dei var med på å bera fram fanen til “Verkstedklubben Aker” i fyrste mai-toget på Verdal i dag. Og mammaen var òg rimeleg stolt, skal eg seie. ;)

Fleire ord og bilete på I finnast her!

ABC i ord og bilete -G

Wednesday, April 22nd, 2009

G for Gamal

Eg fann ein skatt på Bruktbo på Levanger; ein gamal amerikakoffert:

Stria på lokket var øydelagt fleire stader, så den har eg byrja fjerna på dette biletet.

Her er all stria borte og pussinga har starta:

Maling pågår:

Det siste som skal gjerast, er at eg skal pussa og mala innsida òg. Eg lover å syna bilete når skattekista er ferdigstilt. Kva ho skal innehalda sa du? Garn, så klart!

ABC i ord og bilete -E

Thursday, April 9th, 2009

Min E står for min herlege son Even:

31. desember 2002 kom han til verda, tre dagar på “overtid”. 3160 gram og 48 cm var den lille mannen då han fann det for godt å koma ut av magen.

Påska 2004:

Hausten 2005:

Våren 2006. Vi var i konfirmasjon, og Even fann den einaste søledammen som var i nærleiken:

1. mai 2007 som plakatbærar:

Og så, hausten 2008 var småbarnstida over. Even har sin fyrste skuledag:

Mammaen fekk seg ei herleg lita mimrestund med å sjå igjennom alle bileta av det kjæraste eg har på E.

Fleire ord og bilete på E finn du i Petunia sin blogg!

ABC i ord og bilete – C

Friday, March 20th, 2009

Bokstaven C var ikkje så lett. Eg var innom ein del løysingar, mellom anna cd, cohen, chumbawamba og charm … Men eg endte opp her:

Camping

Då eg var lita, var det camping som var ferie. Pappa pakka Mazdaen full med hustelt, campingbord- og stolar, kjølebag, mat, kle og alt anna ein kunne finne på å trenge på ein campingtur.

Dette biletet er frå fyrste halvdel av 80-talet ein gong og illustrerer eigentleg godt campingferie slik eg hugsar det:
Eg hugsar kor godt maten smakte på campingtur, og kor herleg det var å vere i lag.For meg er dette gyldne ferieminne. Takk pappa, for turane du tok oss med på og dei flotte minnene det skapte!

Fleire ord og bilete til C finn du her!

(Forresten; dersom kommentaren din ikkje synast med ein gong er det pga kommentarmoderasjon. Når du har fått godkjent ein kommentar, er du automatisk godkjent med same namn og e-post seinare)