Dagane går så alt for fort (det er vel alderen …), så eg må ta to bokstavar på ein post. For å gjere det enkelt, let eg det vere eitt ord, samansett av to (leiker 20 spørsmål her no):
N og O står for NaturOpplevingar:
Tur til Marsteinsvola (442 moh). Det var langt og bratt for små føter, men her er vi straks framme:
To fornøgde ungar på toppen:
Ikkje noko å seie på utsikta:
Det var min ABC for to veker. Fleire ABC-tema finn du i ABC-bloggen.
M er Min bokstav, så M er for Monica!
Av alle bileta eg har, er det få av meg, og årsaka er jo logisk; det er som oftast eg som held kameraet. Og viss eg skal halda kameraet og bli fotografert, blir ikkje resultatet så veldig bra, då blir det slik:
Meeeen, no er ikkje eg så veldig glad i å bli fotografert lenger, det kan henda eg har fått overdose, for då eg var lita vart eg fotografert MASSE, og desse bileta har pappa digitalisert så no er dei tilgjengelege med berre eit par tastetrykk. Kjempeartig!
Eg likar eigentleg best bileta frå eg var lita. Men kanhenda vil eg like dei som er nyare òg, når eg får 25-30 år på meg?
Fleire ord og bilete i Abc-tema-bloggen!
Eg var litt treig førre veke, og fekk liksom aldri med meg K. Den kjem her:
K står for Kake:
Eg er veldig glad i kake! Dette er Oreokake, og det er kjempegodt. Det skal eg forresten baka i morgon til ein barnedåp. (Men eg skal ikkje i barnedåpen sjølv, så det vert ingen smak på meg denne gongen)
L står for Leklemsvatnet:
Dette vatnet ligg ganske for seg sjølv, nokre få kilometer herifrå, og her er det fint å bada om sommaren!
Ser det ikkje fint ut? Fleire ord og bilete på L (og andre bokstavar) finn du i Abc-tema-bloggen.
Eg ynskjer alle ei fin helg!
Etter eit djupdykk i Picasa, fann eg ut at
J er Jentetur:
I oktober var eg på kurs i hovudstaden. Dette var i haustferien, og då var det naturleg ganske nærliggande å ta med seg Huldamora.
På tur frå toget til hotellet:
Medan eg hadde kursdag, hadde Hulda med seg kameraet på tur i lag med Onkel Bodvar. Her fekk ho knipsa mykje:
Etter tre herlege dagar, var det på tide å vende nesa heimover.
Utsikta frå flyet var herleg:
Og begge var samde om at det hadde vore ein fin tur! 
Tradisjonen tru finn du fleire ABC-bilete hjå Petunia.
Når ABC-dag og fyrste mai var samanfallande, var dagens bokstav grei!
I for Internasjonalen:
Opp, alle jordens bundne trelle!
Opp, I som sulten knuget har.
Nu drønner det av rettens velde:
Til siste kamp der gjøres klar.
Alt det gamle vi med jorden jevner,
Opp, slaver, nu til frihet frem!
Vi intet var, men alt nu evner
Til rydning for vårt samfunns hjem.
Så samles vi på valen,
Seiren vet vi at vi får.
Og Internasjonalen
Skal få sin folkevår!
Arbeider, bonde, våre hære
De største er som stevner frem.
Vårt arvelodd skal jorden være,
Vi sammen bygge vil vårt hjem.
Som av rovdyr er vårt blod blitt suget,
Men endelig slår vi dem ned.
Og mørket, som så tungt oss knuget,
Gir plass for solens lys og fred.
Så samles vi på valen,
Seiren vet vi at vi får.
Og Internasjonalen
Skal få sin folkevår!
Hulda og Even var rimeleg stolte då dei var med på å bera fram fanen til “Verkstedklubben Aker” i fyrste mai-toget på Verdal i dag. Og mammaen var òg rimeleg stolt, skal eg seie.
Fleire ord og bilete på I finnast her!
H er lett; H er Hulda:
Den vakre, vesle jenta mi som føddest 010199 klokka 00:05 og vart nyårsbornet i Midt-Noreg.
Hulda var ein slik baby som var med over alt då ho var bittelita, vi var på sommarleir med målungdomen og på ferie på Fauske allereie den fyrste sommaren ho levde, og ho slo seg til ro over alt og var veldig sosial. Og stort sett blid! Og slik er ho forresten enno!
Eit knippe bilete av god-jenta frå ho var lita:
Men no har ho vorte ganske stor, heile 10 år! Og flott er ho enno!
Her som leksehjelpar for lillebror (ho har eit unikt tolmod!):
På skogstur:
Som fotball-spelar:
Og som “by-dame” på Oslo-tur i lag med meg i fjor haust:
Det var min H. Fleire ord og bilete på H finn du hjå Petunia.
G for Gamal
Eg fann ein skatt på Bruktbo på Levanger; ein gamal amerikakoffert:
Stria på lokket var øydelagt fleire stader, så den har eg byrja fjerna på dette biletet.
Her er all stria borte og pussinga har starta:
Maling pågår:
Det siste som skal gjerast, er at eg skal pussa og mala innsida òg. Eg lover å syna bilete når skattekista er ferdigstilt. Kva ho skal innehalda sa du? Garn, så klart!
F for Friluftsliv:
Så herleg er det mogleg å ha det berre 10 minutt unna heimen!
Og når vi sit akkurat her, har vi denne utsikta:
Flott, ikkje sant?
Desse bileta er teke 15. mars i år. No må du nok leite lenge for å finna så mykje snø! 
Fleire ord og bilete på F finn du via Petunia si side!
Min E står for min herlege son Even:
31. desember 2002 kom han til verda, tre dagar på “overtid”. 3160 gram og 48 cm var den lille mannen då han fann det for godt å koma ut av magen.
Påska 2004:
Hausten 2005:
Våren 2006. Vi var i konfirmasjon, og Even fann den einaste søledammen som var i nærleiken:
1. mai 2007 som plakatbærar:
Og så, hausten 2008 var småbarnstida over. Even har sin fyrste skuledag:
Mammaen fekk seg ei herleg lita mimrestund med å sjå igjennom alle bileta av det kjæraste eg har på E.
Fleire ord og bilete på E finn du i Petunia sin blogg!
Min D står for Drage!
Ein herleg julidag i fjor var vi på stranda. Det var visst perfekt dragever, for det var litt vind. Men herleg varmt var det likevel.
Her er ein som vart fascinert over dragen:
Hjå Petunia finn du fleire ord og bilete på D.