Posts Tagged ‘advent’

Adventstid

Wednesday, December 2nd, 2009


Endeleg er det advent! I går koste vi oss alle i lag med Jul i Svingen på TV, pepparkaker, “kvitkjeks”, karamellar og julebrus.

Og mor sjølv fann noko å kosa seg med; eit flott mønster på pulsvanter på Ravelry då eg prøvde å finna ut kva eg skulle laga av det herlege garnet eg kjøpte på Crafty Planet i Minneapolis! Pulsvantene var veldig lettstrikka, dei vart faktisk ferdige på ein kveld:

Dei har ein herleg passform og er mjuke og varme. Og dei har allereie vore med meg ut i dag! :)

Ha ei herleg adventstid alle saman!

Julekalender

Monday, December 1st, 2008

Julekalenderen her i huset ser slik ut.

Dersom du ynskjer deg ein julekalender, vil eg oppmoda deg til å følga med på kalenderen til Maren. Det fyrste innlegget lovar godt for den neste dagane!

God førjulstid!

Adventsdikt

Sunday, November 30th, 2008

I fjor ga eg dykk eit adventsdikt, slik mamma alltid gjorde for oss ungane, og eg fann ut eg skulle gjere det same i år. Versågod! Håpar de har glede av det. (Og hugs: Spør om lov viss du ynskjer å bruka det sjølv)

Kjærleiken

Det kom ein liten gut til meg
han var så blid og sa;
korleis har du det i dag,
sei, er det riktig bra?
Du ser så trøytt og lei deg ut
og ryggen din er rund,
kom set deg ned
i lag med meg
og kvil ei lita stund.

Men kor kjem du ifrå, sa eg
du var `kje her i stad
og kven er du,
kva vil du meg
du vesle – som er glad -.

Kan hende ifra evigheit
kjem eg, og på min veg
eg ser di kavar, strevar, slit
og balar – difor kjem eg hit.
For eg er den som elskar,
når du gret – så gret eg med.
No kjem eg hit og helsar
og ynsker deg:” Guds fred”!

Eg kjem til deg med kjærleik
frå han som alltid var
- som var og er og vera skal
ja, han som er din far.
Han elskar deg, i smått og stort
og ser deg som du er
ja, sjølv om du får inkje gjort
han har deg like kjær
og kjærleiken fell aldri bort!

Då kvapp eg høgt – eg sovna visst
på stolen her, ei stund.
Så rart – for ei lykke eg kjente
etter ein slik liten blund -!
Men vent no, eg hadde besøk her,
ein glad liten førjulsgjest -.
Så sit eg med tårer av takksemd
og tenker – eg trong det vel mest -

Eg hugsar hans ord om kjærleik,
eg hugsar alt det han sa
eg seier med smil ut i lufta;
no skjøner eg at du var glad,
for du som går med kjærleiksbud
du går med glede ifrå Gud -.

Gløym ikkje kjærleiken, sa han,
i alt dette mas i ditt sinn.
Så no set eg rett over kaffien
og ropar på mannen min -!

Hjørdis Gausen Renli

Adventstida er her!

Saturday, November 29th, 2008

I dag har vi vore på julehandel i Trondheim. Fred på jord var ikkje å finna i butikk, men vi fann heldigvis andre ting det gjekk an å handla.

Då vi kom heim, pynta vi litt i huset, og eg er nøgd med resultatet:

Endeleg kunne eg ta fram det eg sydde tidlegare!

I vindaugskarmen fire sviblar. Gler meg til blomane kjem!

Julestjerna er på plass i stuevindauget. No er det berre å kose seg!

Juleønske

Thursday, November 27th, 2008

Som Lin tok eg sjansen på å spørra ungane kva dei ønska seg til jul, og naturleg nok fekk eg svar. Ulike svar, ut frå alder og interesser, og det i seg sjølv er grunn god nok til å be om ønskeliste; det er spennande å sjå kva ungane er opptekne av akkurat no.

Thomas er utan tvil tenåring. På ønskelista hans står mellom anna digitalt kamera, bærbar PC, Ipod, el-gitar, klær, renati hårvoks, pengar … Og så Den Store Draumen då: Tur til Manchester.

Linn-T. er 11 år, med dei ønske det fører med seg; spel til PS2, NDS og PC, sikkerheitsvest til riding, keyboard, bok om hestar, ulike brettspel, og mikroskop for å nemna noko.

Hulda som går i fjerde har mange av dei same ønskene som Linn, men mindre fokus på hest. Ho ynskjer seg mellom anna eit staffeli, trommer, DVD-filmar, MGPjr CD og sparkstøtting i tillegg til dei “obligatoriske” ønska ho har felles med Linn.

Even er jo fem år (snart 6) og fyrsteklassing, og det speglast òg i ønskelista: Lasersverd, star wars-ting, lego- eller playmobilborg, togstall (brio), playmobilhelikopter, bøker og fjernstyrt robot for å nemna noko.

Alle fire har krydra ønskelistene med nokre litt rimelegare (og meir fornuftige?) alternativ som godteri (Thomas), teiknesaker (Linn), Littlest Pet Shop-ting (Hulda), ullundertøy (Linn og Even), papir stanse-sett (Hulda og Linn) og tannbørste (Even).

Det finnast òg nokre litt spesielle (eller atypiske) ønske på listene, men det mest spesielle var å finna på Even si liste. Han ønsker seg fleire kapittel om Brødrene Løvehjerte! Vi har lese boka 2 gongar, men Even er nyfiken på kva som hender etterpå.

Det er forresten Even som òg har det søtaste ønsket i år, for då ønskelista eigentleg var ferdigskrive kom han på det: “Også må det stå at æ ønske fred på jorda!”

-Så kva er vel eit skarve helikopter, Lin?

Trylleri

Sunday, November 16th, 2008

Som tidlegare sagt har eg budd meg på advent. Ein gamal, grå duk og to panelgardiner frå posesalg på Europris har fått nytt liv som 2 løparar og 2 putetrekk:

Dette skal ikkje fram før sundag om 14 dagar. Eg gler meg vilt!

Eg har forresten gløymd å blogga alpelua er har strikka meg, og ikkje har eg teke bilete heller, men eg har ho på meg her:

Oppskrift frå Allers sitt julehefte.

Sundag

Sunday, November 16th, 2008

Mannen er ute på tur, og sjølv tuslar eg mellom symaskina og datamaskina. Eg bur meg på advent! Resultatet får de truleg sjå i kveld. Fyrst må mannen koma att med fotoapparatet. :)

Mari ga meg forresten eit lite spark bak då ho blogga juleboka si. Mamma hadde ei slik, men for meg har det vorte med tanken heilt til no. Julebok er kjøpt inn, og eg har allereie byrja å skriva i ho.

Sankta Lucia / Saint Lucy’s day

Thursday, December 13th, 2007

I dag har vi vore i barnehagen til Luciafeiring. Verdas finaste stjernegut er han som ser rett i kamera her:

Vi fekk gløgg, pepparnøtter og lussekatter, og det var rett så triveleg!

We’ve been celebrating St. Lucy’s day in kindergarden. My son is the one that stares straight in the camera in the first picture.

Wonder what St. Lucy’s day is? Read the wikipedia explanation.

Hege has translated the song the children sing when they come dressed in white with candles. You can find it here. Thanks Hege, great job!

Adventsdikt

Monday, December 10th, 2007

Mamma hadde ein fin tradisjon som er god å minnast no når ho er borte: Ho brukte å senda eit adventsdikt og eit kalenderljos til oss ungane før 1. desember kvart år. Som oftast skreiv ho adventsdikta sjølv, og det er eitt av desse eg ynskjer å dela med dykk. Eg håpar de vil lika det, men hugs; spør om lov før du brukar det sjølv.

Barnet

Han går der
og feier i stallen
må finne litt ro
for sitt sinn.

For slekt er kommet
fra fjern og nær
og alle er gjestfritt
bedt inn.

“Alt folket” skulle jo telles
slik lød keiserens ord
og var en, som han,
av Davids ætt
fikk en dele sitt
hus og sitt bord.

Kvinnene styrer og steller
så alt er såre vel
Selv måtte han ut
det er noe som hender
han vet ikke hva
bare noe han kjenner
han venter på noe i kveld.

Da ser han ute i gata
et par som sårt trenger ly,
og han vet godt
at i tider som nå
er det trengsel i Davids by

Han skynder seg ut
og ber dem
inn i sin lune stall
så får kvinnene komme
med kluter og vann,
og slikt som er kvinners kall.

For her skal det fødes
et barn i natt
det kan han da tydelig se
og med tepper og halm
gjør de leiet i stand
der hun synker
takknemlig ned.

Så sitter han ute og sanser
nattens åndedrag.
En stjerne lyser om stallen
nesten som om det var dag.

Han bader ansikter i dens glans
og føler at noe skjer;
naturen venter sammen med ham
det er som om jorden ber – - -.

Men underligst er det med barnet,
som ligger så trygt hos sin mor.
Da det løfter blikket og ser på ham
blir han fylt av en glede – så stor!

Hans øyne ser,
hans hjerte vet,
men selv fatter
han ingen ting.

- Et barn – og all
denne kjærlighet
som varmer
alle omkring ?

Og øynene følger ham
hvor han går
til sist inn i
drømmenes land.

Der ser han at barnet
smilende står
med stjerneglans
i sitt mørke hår,
og varmer den
hele verden
med sin lille, mektige hånd.

Travel helg

Monday, December 10th, 2007

Denne helga feira vi Linn-T. sin bursdag på laurdag, med kaker,is og brus og masse gjestar. Kjempehyggeleg! :)

Sundag var vi på “Jul igjen” på Stiklestad, der vi skulle møte bror Ketil med familie, men lagnaden var visst ikkje på vår side denne gongen. Vi venta og venta og venta på telefon frå Ketil, men neidå. Til sist sendte eg ei melding og fekk svar. Det viste seg at Ketil hadde ringt og ringt og ringt SEKS gongar, men diverre hadde han ringt til hustelefonen vår. Sukk!!! Trur dette vart like trist for oss alle, men kanskje er vi heldigare neste år? Då trur eg vi skal avtala eit “treffpunkt” og eit klokkeslett, slik at vi slepp misforståingar. Men likevel; det vart ein fin dag på Stiklestad. Stemningsfullt og vakkert. (Men fotoapparatet låg att heime!)