Tankar ved eit tastatur » Hobby

Konfirmasjonar overstått!

minica — Mon, 10 May 2010 08:31:18 +0000

Og eg kan endeleg syna fram konfirmasjonskorta eg laga.

Til Thomas, med pengelomme (men eg gløymde så klart å ta bilete av dette kortet med pengar i …):

Til Frigg:

Dersom du undrar på korleis ein lagar kort med pengelomme, finn du ei knakande god oppskrift på dette, på http://anitas-hobbyblogg.blogspot.com/2009/05/2-konfirmasjonskort-og-tutorial.html

Betre seint enn aldri

minica — Fri, 02 Jan 2009 22:19:07 +0000

Muffin inviterte til handarbeidsfest. Dei andre starta visst festen klokka 20 i kveld, men eg har vore på jobb. Eg skal på jobb i morgon klokka 7 òg, så her vert det korkje kaffi eller te. Ikkje ein gong ein kopp orkar eg å syne fram; eg drikk julebrus!

På pinnane har eg nettopp fullført ein Fishermans Friend-vott, skal vel starte på nummer to snart. Håpar festen har vore bra så langt, og at det er att litt sjokoladekake til meg òg.

Ikkje handarbeidstørke

minica — Tue, 22 Jul 2008 12:06:26 +0000

I går og i dag har eg kosa meg med litt saum att. Har sydd denne veska tilei tenåringsjente med bursdag i desse dagar.

Veska har ei lomme på innsida, og berereima er teke frå ei anna veske som har vorte kasta tidlegare.

Pynta veska med ein filtblomst frå Panduro. Eg syntest veska vart fin med litt farge, men dersom mottakaren ikkje er samd, kan ho berre knyta opp tråden, så er pynten borte.