Posts Tagged ‘tur’

Kjentmannsmerker i Verdal

Sunday, June 10th, 2012

I år er det visst populært å ta Kjentmannsmerket her i Verdal, og vi har kasta oss på!
Alle i huset har kvart sitt “klippekort”, så her er det berre å ut og gå. 10 postar gir bronse, 20 gir sølv og 30 gir gull. Berre 28 att!

Merke tatt? Stad Lengd Merknad
 Ja, 070612  Marsteinsvola  5,5 km  Gjekk frå veg-enden
 Tillerknoppen
 Leirsjøen
 Hærvola
 Malså gruver
 Juldalsetra Østre
 Rautun
 Guddingsskallen
 Spjeldberget
 Høgfjellstøtta
 Ja, 090612  Kråksjøen  9 km  Parkerte 400m lenger unna enn utg.punktet
 Stor Havren
 Steinsvåttån
 Kvindfjellet
 Lyngsvollen
 Helloporten
 Grønningen
 Hærmannssnasa
 Tuva
 Stongbakkvåttån i Sul
 Hyllfjellet
 Ørvillhøgda i Vera
 Tørrgranvola
 Sæterfjellet sør
 Tverråholman
 Flysetra
 Skjækerdalsgruva
 Åkervollgruva
 Våttåberget/Elnes
 Bragstaden
 Ryvollen
 Våttåhaugen
 Tronestangen
 Bjørkvatnet
 Lyngåsen
 Bergugleberget
 Hestgreivollen

På Marsteinsvola:
Marsteinsvola
Vi gjekk ein ettermiddagstur til Marsteinsvola med saft og kjeks i sekken. Ein god tur, med så mykje stigning at ein blir litt sveitt. Og særs godt å gå nedover att.

Frå turen til Kråksjøen:
kraksjoen1
Godt terreng å gå i!
kraksjoen2
Og ein fin stad å koma fram til:
kraksjoen3
Det var godt å varmt å gå oppover, og vi gjekk 9 km til saman. Det er lov å vere litt sliten då:
ringo

Monica gjer som andre seier …

Tuesday, February 16th, 2010

… iallfall når det passar ho …

“Gå tur” sa fysioterapeuten, og i dag gjorde eg nettopp det. Veret var strålande, så det var heilt flott å gå i skogen.

Det var køyrd med traktor langt innover i skogen, så det var fint å gå. Og sanneleg såg eg nokre kunstverk i laupet av turen òg, berre sjå:
Eg er så glad i mønstra istappane lagar!


Hit gjekk vi, eg og hunden. “Gressetkrysset” står det på skiltet. Det er ein del av Gamle kongeveg som er merka på denne måten:

Eigentleg hadde eg lyst til å gå lenger enn det eg gjorde, men det er noko med at det er like langt den andre vegen òg, så det var eigentleg greit å snu her oppdaga eg på turen heim att.

Snart reiser eg hit:

Monday, September 21st, 2009

Biletet viser “Downtown Minneapolis” og er lånt herifrå.

Gubben er allereie i Minnesota på klassetur, og fredag reiser eg etter. Då skal vi ha ei veke i lag. Åleine. Utan ungar, hund, hus og heim å forhalda oss til. Det er nesten litt skremmande å tenkje på! Det har vi enno ikkje prøvd, så det blir ei ny oppleving.

Nokre gode tips til kva vi bør få med oss når vi er der?

Eg er ikkje åleine!

Sunday, September 20th, 2009

Eg ser at eg slett ikkje er åleine om å ikkje ha blogga dei siste månadene. Det ser ut til at dette er den store “Comeback”-helga for bloggane eg følgjer, så her er det berre å hive seg på!

223 bilete frå august seier vel sitt om at det har vore meir interessant å gjere enn å skrive i det siste, og det er vel eigentleg eit godt teikn. I tillegg har strikketyet stort sett budd i korga si, og symaskina har samla støv. Vi får sjå om det rettar på seg ut over hausten og vinteren.

Men kva gjorde vi eigentleg i august då, ettersom det var så mykje å ta bilete av?

Vi var på dagstur til Ytterøya:

Og vi var i Namsskogan familiepark:

På familiedag på Tinnsvollen, med motbakkeløp, natursti og rømmegraut:

Og sanneleg fekk vi tid til ein helgatur til Sitter i Flatanger:

Eg ser det sjølv òg no; det er ikkje så rart at eg ikkje har blogga! Men det vert vel roligere dagar frametter, så eg håpar sjølv òg at bloggefrekvensen går opp att. :)

Takk til dei som har sagt at dei har venta på nye innlegg i bloggen, det er alltid artig å vita at nokon faktisk les det eg skriv.

ABC i ord og bilete -N og O

Monday, June 15th, 2009

Dagane går så alt for fort (det er vel alderen …), så eg må ta to bokstavar på ein post. For å gjere det enkelt, let eg det vere eitt ord, samansett av to (leiker 20 spørsmål her no):

N og O står for NaturOpplevingar:

Tur til Marsteinsvola (442 moh). Det var langt og bratt for små føter, men her er vi straks framme:

To fornøgde ungar på toppen:

Ikkje noko å seie på utsikta:

Det var min ABC for to veker. Fleire ABC-tema finn du i ABC-bloggen.

Ny månad, nye moglegheiter

Monday, June 1st, 2009

I dag er det plutseleg juni, og eg, Tor Inge og Even tok oss ein tur i skogen. Eg og Tor Inge var der i går òg (i mai! hihi), og prøvde fiskarlukka, og kunne konkludera med at det var fisk i vatnet:

På turen i dag skulle vi undersøka ei myr, og så gå og sjå om det var meir fisk å få. På turen oppover såg vi at det er store sjansar for ein god blåberhaust (eller seinsommar viss det held fram i denne farta!):

Nokre molteblomar fann vi òg:

Det å ha gått heilt til Inderøy, er jo noko å skryta av:

Even skal prøve å fiska:

Det vart ikkje langvarig, for han fekk vondt i ei arm av det. Dessutan var det vel meir spennande med alt ein kan leike med ute i sko og mark!

Men Mor fekk lønn for strevet i dag og:


Gjett om eg er kry?! (Og gjett om Tor Inge er misunneleg?)

Då vi kom heim, vart fisken vendt i mjøl, salt og pepar, og steika i panna:

Og den som åt det (med eigenkomponert rømme og ketchup-dipp), var Even:

Eg reknar med det vert fleire turar i sommar, for mannen kan vel ikkje la meg ha fiskerekorden i vatnet. ;)

Favoritt-te i favoritt-kopp

Tuesday, February 17th, 2009

Ta meg med på tur:

Når tur-selen er på, ventar han i spenning. Diverre (eller heldigvis?) har ikkje biletet lyd, elles hadde de høyrd pistringa!

Det vart ein kort tur, grunna kald vind og sol som forsvann! Det kan henda hunden prøver å finna ly:

Det er nesten så han har nasen meir under enn over snøen på tur!

Då eg kom heim var det tid for dette:

No skal eg kosa meg vidare!

På tide med oppdatering

Sunday, January 18th, 2009

Eg har ikkje vore heilt i “bloggeform” i det siste. Dagane har kome og gått litt for raskt for meg, og i tillegg til alt ein har lyst til å halda på med, må ein jo sanneleg på arbeid innimellom òg …

Torsdag feira vi Hulda sin 10årsdag med jentene i klassen hennar. Dei vart til saman 14 stykker, og bursdagsbarnet sjølv hadde tinga “bassengkake”. Kva det er? Jo, det er sjokoladekake med eit gelébasseng. Slik:

Eg skar ut eit stykke av kaka og la aluminiumsfolie i “holet”. Den biten eg skar ut, fekk plass på kaka, og så la eg gelé i holet.

Pyntinga fekk bursdagsbarnet sjølv ta seg av, med stort hell:

Det er ho som er den kunstnariske i familien …

Kaka gjorde stor lykke, og då Even skulle feire 6 årsdag på laurdag (med 16(!) inviterte gjestar), ville han òg ha bassengkake. Hans vart litt meir prega av at det skulle vere mykje godt på ho, men den kaka vart òg flott!

Då kaka kom på bordet, viste det seg at jubilanten sjølv eigentleg ikkje syntest kaka var god, så han åt pølse (sjølv om han nettopp hadde ete 2):

Då var denne bursdagsmaratonen over, og det er eigentleg litt godt …

I små-stundene har eg strikka denne:

“Turn a square” heiter ho, og lua er både enkel og har god passform. Mottakaren seier han er fornøgd, men han ville ikkje bruka ho på tur i dag. Dette var “finlue”, visstnok.

Nokre glimt frå turen med det same:

Det er herleg å bu slik til at ein berre kan kle på seg og gå ut for å vere på tur!

No håpar eg at eg er “opplada” til ei ny arbeidsveke! Ha ei god veke alle saman!

Her kommer vinter’n

Friday, November 21st, 2008

Då eg vakna i morges var det merkeleg stilt etter stormen som herja i natt. Og då eg såg ut, såg eg kvifor:

Etter å ha køyrd to lukkelege ungar på skulen, og vore innom butikken og handla litt, fann eg ut at eg skulle gå tur med Reico. I kne-lang kåpe og dongeribukse var eg ikkje heilt turkledt, men eg veit at dersom eg skulle skifte fyrst, er det ikkje sikkert det hadde vorte nokon tur.

Reico var minst like lukkeleg som ungane.

Og så er det så VAKKERT når det vert kvitt. Berre sjå her:

På turen heimover, fekk eg så ørneparet som bur her i nærleiken, men det var ikkje lett å få brukbare bilete av dei, men den eine av dei, er på dette biletet:

Med ekstra zoom ser du ho vel?

Og så var me heime att:

Friskt og godt var det, for både kropp og sjel. I helga er det arbeidshelg. Dersom det snør meir, håpar eg på flinke brøytarar!

Blogging frå hotell

Thursday, October 9th, 2008

Eg og Hulda er på jentetur i samband med PPS-brukarforum. Vi er i Hovudstaden! Kom hit tidleg i dag, og har nytta dagen til å sjå i butikkar, handla litt (ikkje garn! Ikkje eitt nøste! Ikkje enno iallfall …), og vorte samde om at Panduro er vår favorittbutikk!

Her bur vi:

På Radisson Sas Scandinavia. Kvifor dette hotellet? Vel, det har basseng i kjellaren! Og der har vi òg vore i dag. :)

Middag på Peppe’s er bra for damer på bytur!

Hulda kjøpte seg ein salat til kveldsmat, og gjett om ho kosa seg med å ete i hotellsenga!

Og kva gjer to damer som har vore på Panduro når dagen er på hell? Lager julekort vel!

Fra oktober2008

Men no er det på tide å sova. I morgon er atter ein dag.