Posts Tagged ‘Bloggeverda’

Vårleg blogg!

Friday, April 30th, 2010

Ute regner det konstant for tida, men på bloggen er det vår! Eg har endra litt, og takka vere WordPress sine geniale løysingar, er det veldig enkelt å skifta design innimellom.

Vart det ikkje vårleg og flott no, kanskje? Så gløymer vi regnet ei stund. Det er iallfall fint ver ute å vere inne i!

Obligatorisk for helsepersonell

Sunday, February 1st, 2009

Eg er ikkje heilt sikker på kven som peika meg i retning av bloggen “Har du glemt meg, mamma?”, men eg er veldig glad eg hamna der!

Bloggen omhandlar det å vere pårørande til ei relativt ung kvinne med demens. Det er dotttera sine tankar og røynsler vi får høyra om, og eg har lese og lese og lese. Eg trur faktisk eg har vore igjennom alle postane. Det er tankevekkande lesing for oss som er på “den andre sida”. Vi får høyra om korleis det opplevast når ein som pårørande ikkje vert høyrd, korleis det er å gradvis miste nokon som står ein nær, og ikkje minst kva som skal til for at den pårørande opplever at hennar næraste har det godt. Helsepersonell bør ha denne bloggen i leselista si. Det bør forresten dei fleste andre òg …

Betre seint enn aldri

Friday, January 2nd, 2009

Muffin inviterte til handarbeidsfest. Dei andre starta visst festen klokka 20 i kveld, men eg har vore på jobb. Eg skal på jobb i morgon klokka 7 òg, så her vert det korkje kaffi eller te. Ikkje ein gong ein kopp orkar eg å syne fram; eg drikk julebrus! :)

På pinnane har eg nettopp fullført ein Fishermans Friend-vott, skal vel starte på nummer to snart. Håpar festen har vore bra så langt, og at det er att litt sjokoladekake til meg òg.

Nærleik

Wednesday, December 10th, 2008

Eg har fått ei flott utmerking frå Ruth, og det gjer meg stolt!

Her er ho:


“The blog invests and believes the PROXIMITY – nearness in space, time and realationship! These blogs are exceedingly charming. These kind bloggers aim to find and be friends. They are not interested in prices or self-aggrandizement. Our hope is that when the ribbons of these prices are cut,even more friendship are propagated. Please give more attention to these writers!Deliver this award to eight bloggers who must choose eightmore and include this cleverly written text into the body of their awards.”
“Denne bloggen investerer i og tror på NÆRHET- nærhet i rom, tid og forhold! Disse bloggerne er usedvanlig sjarmerende og søte, og formålet er å finne og å være venner. De er ikke opptatt av utmerkelser og selvhevdelse. Vårt håp er at når båndene på disse utmerkelser er kuttet, vil enda flere vennskap ha forplantet seg. Vær vennlig å gi litt ekstra oppmerksomhet til disse! Gi denne utmerkelsen til åtte bloggere, som igjen må velge seg åtte nye. Inkluder denne teksten på utmerkelsen deres”.

Så HERLEG å få gje denne til så mange, men ulempen er då at mange allereie har fått denne. Meeeeen, likevel er det jo riktig av meg å vise av kven eg meiner fortener det, så får dei heller posta fleire gongar viss dei vil syna fram nettopp det! ;P

Versågod til Hege (for begge bloggane dine), Beyla, Lena (lenge sidan du har blogga no?), Sipusa, Stjerneglimt, Frøken ij, og Mari (kom deg på nett att!) Og den åttande? Ruth som ga meg denne så klart!

Hald det for deg sjølv?

Thursday, July 31st, 2008

Sjølv eg kjenner at eg er nøydd til å kommentera at Blondinbella fortel om eit seksuelt overgrep ho har vorte utsett for. Eg var innom Maria Mytterist sin knakande gode post om overgrep, og ramla derifrå inn til Blondinbella og hennes postar frå ho vart utsett for overgrep og dagane etterpå. I den nyaste posten, Ett övergrepp i sig, skriv ho om det å ikkje bli trudd. Eg ser av kommentarane at det er delte meiningar om kva ho har vorte utsett for (“kan det definerast som eit overgrep?”, om det er sant det ho skriv og så bortetter), men det synast eg faktisk er så dumt at eg vel å ikkje kommentera det. Det eg ynskjer å trekke fram i denne samanhengen, er kommentar #49, der AM skriv

“Tycker att du berättar lite väl mycket om ditt privatliv. Behåll nånting för dig själv istället.
Självklart ska man inte skämmas och skylla på sig själv för att man blivit överfallen men det du gör just nu är att du berättar det för hela sverige. Inte bara i din blogg utan även i tidningen som når ut till ännu fler människor. Berätta för dina kompisar och din familj, men varför ska hela sverige veta detta? Ha ett privatliv med andra ord. Du bränner många broar själv. “

Dette ordskiftet har vi vel sett fleire av i Blogglandia, men eg meiner det er viktig å ta det opp att på nytt og på nytt. Dei tankane Blondinbella møter, er tankar og haldningar mange møter når dei fortel om overgrep, uansett kva for medium dei vel for å fortelja om dette. Det er difor det er så viktig å kommentera det. AM seier at ho ikkje skal leggje skulda på seg sjølv,men seier samstundes at ho brenn mange bruer ved å gå ut offentleg med dette. Personleg synast eg det Blondinbella gjer er kjempetøft og veldig veldig viktig. Vi treng at offentlege personar våger å stå fram og fortelja om overgrep, for det er noko som hender med veldig, veldig mange, og det er heilt vanleg at folk ikkje våger å fortelja. Årsaka til dette finn ein jo raskt når ein les reaksjonane i kommentarfeltet. Det er skremmande kva folk faktisk kan lire ut av seg.

Eg håpar Blondinbella har mot nok og støtte nok til å halda fram som ho gjer, med å dela akkurat så mykje som ho sjølv ynskjer. Flott gjort!

Høg kjendisfaktor!

Saturday, January 19th, 2008

Create Fake Magazine Covers with your own picture at MagMyPic.com

Subscribe to People Magazine at a 37% discount!

Verdsvevens løyndomar

Thursday, January 17th, 2008

Eg sit og ser igjennom dei ulike søkeorda folk har nytta når dei har funne sida min, og her kan ein til dømes utan tvil sjå kva for tid på året det er, utan å sjekke kalenderen. Det søkeordet som toppa lista i desember til dømes, var adventsdikt. Med dette søkeordet kjem denne sida opp på fjerdeplass. Dette gjer naturleg nok at eg tenkjer og undrar meg litt over kor mange som fekk glede av mamma sitt flotte dikt i adventstida? Fekk nokon kan henda diktet i eit brev før jul? Det får eg nok aldri vita. Eg håpar berre at namnet til forfattaren i så fall vart nemnt, og det kan henda det vart, for i januar er det 13 treff på søk etter “Hjørdis dikt” …

Elles kjem strikking høgt opp på lista i det nye året, og det same gjer Arnhild Lauveng.  Eg har stor forståing for begge desse søkeorda, ikkje minst søk etter Lauveng, for ho er ei dame som verkeleg er verdt både å høyra og lesa!

Litt mindre forståing har eg forresten for denne søkestrengen: “laget en bamse med tastaturet, men eg må innrømma at eg gjerne skulle vita kva dei eigentleg leita etter. :)

Slapp bloggeveke

Sunday, October 21st, 2007

Denne veka har alle dagane vore travle. Måndag, onsdag, torsdag og fredag var det arbeid, tysdag hadde vi kjempekoseleg besøk av pappa og Synnøve, i går var eg og Tor Inge på bursdag, og i dag skal eg på arbeid att. Neste fridag er torsdag. Eg gler meg allereie!

God helg!

Friday, September 14th, 2007

På surferunde etter noko så interessant som kake, fann eg denne på Kunstkakeriet. Synast den var ekstremt flott og dessutan passa den så bra. I kveld har eg og mannen barnefri. Han hadde tilbod om å delta på teambuilding saman med jobben, men i og med at vi nesten ikkje har sett kvarandre i det siste, vart vi (eg?) samde om at han heller skulle teambuilde litt med meg. Elles kunne det hende det vart dårleg med team etter kvart, fortalde eg han. ;)

Kake vert det ikkje i kveld, det får venta til måndag når Tor Inge har bursdag, men biff og litt pils skal det bli. Resten av helga skal eg arbeida, og så vidt eg veit har mannen i huset planar om jakt.

God helg til alle!

Trønderskrøne

Thursday, September 6th, 2007

I bloggen til Tromp fann eg ei trønderskrøne de bør lesa: The Tromp Tower: Arti trønderhistorie
Trøndarar fornektar seg ikkje. :)